ញូវយ៉ក៖ តម្លៃប្រេងបានឡើងថ្លៃកាលពីថ្ងៃចន្ទ ដែលជំរុញដោយក្តីសង្ឃឹមនៃ តម្រូវការថាមពលខ្ពស់ក្នុងប្រទេសចិន នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
West Texas Intermediate (WTI) សម្រាប់ការចែកចាយខែមករា បានបន្ថែម ៩០ សេនឬ ១,២ភាគរយដើម្បីទូទាត់នៅ ៧៥,១៩ ដុល្លារអាមេរិកក្នុងមួយបារ៉ែលនៅលើផ្សារហ៊ុន New York Mercantile Exchange ។
ប្រេងឆៅប្រភេទ Brent សម្រាប់ចែកចាយនៅខែកុម្ភៈ បានកើនឡើង ៧៦សេន ឬ ១ភាគរយ មកបិទនៅតម្លៃ ៧៩,៨ ដុល្លារក្នុងមួយបារ៉ែលនៅលើផ្សារហ៊ុន London ICE Futures Exchange ។
តម្លៃទទួលបានការគាំទ្រពីការ រំពឹងទុកនៃការងើបឡើងវិញនៃ តម្រូវការដ៏រឹងមាំនៅក្នុងប្រទេសចិន។ ទន្ទឹមនឹងនេះ ការភ័យខ្លាចថា ការរឹតបន្តឹងគោលនយោបាយ របស់ធនាគារកណ្តាលសំខាន់ៗ នឹងបង្កឱ្យមានវិបត្តិសេដ្ឋកិច្ចសកល ដែលថ្លឹងថ្លែងនៅលើទីផ្សារ។
សម្រាប់សប្តាហ៍ដែលបញ្ចប់ថ្ងៃសុក្រ WTI បានកើនឡើង ៤,៦ ភាគរយ ខណៈដែលប្រេងឆៅប្រភេទ Brent បានកើនឡើង ៣,៩ភាគរយ ដោយផ្អែកលើកិច្ចសន្យាមុនខែ ៕
ប្រែសម្រួល ឈូក បូរ៉ា
