បរទេស ៖ ផែនការរបស់រដ្ឋបាលប្រធានាធិបតី Joe Biden ដើម្បីអនុម័តការលក់ យន្តហោះចម្បាំង F-16 ដែលផលិតដោយសហរដ្ឋអាមេរិកក្នុងតម្លៃ ២០ ពាន់លានដុល្លារ ទៅឱ្យប្រទេសតួកគី គឺបានប៉ះពាល់ដល់ការបិទផ្លូវដ៏មាន សក្តានុពលមួយ ខណៈដែលសមាជិកសំខាន់ នៃព្រឹទ្ធសភាបានប្តេជ្ញាថា នឹងរារាំងកិច្ចព្រមព្រៀងនេះ ពីព្រោះលោកចាត់ទុកទីក្រុងអង់ការ៉ាថាមិន គួរឱ្យទុកចិត្តសម្រាប់សម្ព័ន្ធមិត្តណាតូ ។
យោងតាមសារព័ត៌មាន RT ចេញផ្សាយនៅថ្ងៃទី១៤ ខែមករា ឆ្នាំ២០២៣ បានឱ្យដឹងថា សមាជិកព្រឹទ្ធសភាលោក Bob Menendez មកពីរដ្ឋ New Jersey បាននិយាយកាលពីថ្ងៃសុក្រថា “ខ្ញុំជំទាស់យ៉ាងខ្លាំងចំពោះសំណើលក់យន្តហោះចម្បាំង F-16 ថ្មីរបស់រដ្ឋបាល Biden ទៅឱ្យប្រទេសតួកគី” ។ លោកបានចោទប្រធានាធិបតីតួកគី លោក Recep Tayyip Erdogan ពីការមិនគោរពសិទ្ធិមនុស្ស ធ្វើឱ្យខូចដល់ច្បាប់អន្តរជាតិ និងចូលរួមក្នុង “អាកប្បកិរិយាគួរឱ្យព្រួយបារម្ភ និងអស្ថិរភាពនៅក្នុងប្រទេសតួកគី និងប្រឆាំងនឹង សម្ព័ន្ធមិត្តណាតូដែលនៅជិតខាង របស់ខ្លួន”។
លោក Menendez បាននិយាយដោយបញ្ជាក់ជាថ្មី ពីការប្រឆាំងរបស់លោក ចំពោះកិច្ចព្រមព្រៀងសព្វាវុធ បន្ទាប់ពីក្រសួងការបរទេស អាមេរិកបានរាយការណ៍ថា បានជូនដំណឹងដល់គណៈកម្មាធិការសភាពាក់ព័ន្ធអំពីចេតនា របស់ខ្លួនក្នុងការឆ្ពោះទៅមុខជាមួយនឹងការលក់ F-16 កាលពីថ្ងៃព្រហស្បតិ៍ ។
ប្រទេសតួកគីបានស្នើសុំទិញយន្តហោះនេះក្នុងខែតុលា ឆ្នាំ ២០២១ ដោយនិយាយថា ខ្លួនចង់ទិញយន្តហោះ F-16 ថ្មីចំនួន ៤០គ្រឿង និងឧបករណ៍ទំនើបកម្មចំនួន ៨០ដើម្បីធ្វើឱ្យប្រសើរឡើង នូវកងនាវាដែលមានស្រាប់របស់ខ្លួន ៕
![](https://dap-news.com/wp-content/uploads/2020/08/1-1.png)