តូក្យូ៖ ប្រទេសជប៉ុននៅថ្ងៃចន្ទនេះ បានជំរុញឱ្យប្រទេសរុស្ស៊ី ចាប់ផ្តើមការចរចានៅឆ្នាំនេះ លើកិច្ចព្រមព្រៀងនេសាទប្រកបដោយសុវត្ថិភាពទ្វេភាគី ដើម្បីការពារនាវារបស់ប្រទេសអាស៊ី ពីការរឹបអូសដោយអាជ្ញាធរ របស់ទីក្រុងម៉ូស្គូ នៅក្នុងដែនទឹកក្បែរកោះជម្លោះ នៅកោះហុកកៃដូ។
ប្រធានខុទ្ទកាល័យលោក Hirokazu Matsuno បានប្រាប់សន្និសីទសារព័ត៌មានប្រចាំថ្ងៃមួយថា រុស្ស៊ីបានជូនដំណឹងដល់ប្រទេសជប៉ុនថា ខ្លួនមិនអាចផ្តល់ព័ត៌មានអំពីកាលបរិច្ឆេទសមរម្យ សម្រាប់រៀបចំការចរចាអន្តររដ្ឋាភិបាលប្រចាំឆ្នាំលើកតិកាសញ្ញានេះកាលពីថ្ងៃព្រហស្បតិ៍។ លោកបានពណ៌នាការឆ្លើយតបរបស់រុស្ស៊ីថា មិនអាចទទួលយកបាន។
លោក Matsuno អ្នកនាំពាក្យរដ្ឋាភិបាលកំពូលបានលើកឡើងថា “យើងនឹងស្នើសុំយ៉ាងម៉ឺងម៉ាត់ឱ្យរុស្ស៊ីចូលរួមក្នុងកិច្ចពិភាក្សាអន្តររដ្ឋាភិបាលដើម្បីឱ្យប្រតិបត្តិការនេសាទរបស់យើងអាចចាប់ផ្តើមឱ្យបានឆាប់តាមដែលអាចធ្វើបាននៅក្នុងឆ្នាំ២០២៣” ។
កិច្ចព្រមព្រៀងដែលគ្របដណ្ដប់លើដែនទឹកជុំវិញប្រជុំកោះដែលគ្រប់គ្រងដោយទីក្រុងមូស្គូ ទីក្រុងតូក្យូ ដែលត្រូវបានគេស្គាល់ថា ជាដែនដីភាគខាងជើងក្នុងប្រទេសជប៉ុនត្រូវបានបញ្ចប់នៅឆ្នាំ១៩៩៨ បន្ទាប់ពីឧប្បត្តិហេតុជាបន្តបន្ទាប់ដែលកប៉ាល់នេសាទជប៉ុនត្រូវបានរឹបអូស ហើយជួនកាលត្រូវបានបាញ់ដោយអាជ្ញាធររុស្ស៊ី។
កិច្ចព្រមព្រៀងនេះត្រូវបានរៀបចំឡើងដើម្បីឱ្យអ្នកនេសាទជប៉ុនអាចចាប់បានប្រភេទសត្វសមុទ្រជាច្រើនប្រភេទដូចជា Atka mackerel និងមឹក ក្នុងចំណោមសត្វដទៃទៀតនៅជុំវិញកូនកោះហៅថា Southern Kurils ក្នុងប្រទេសរុស្ស៊ី ជាថ្នូរនឹងការបង់ប្រាក់ “កិច្ចសហប្រតិបត្តិការ” ដល់អាជ្ញាធររុស្ស៊ី ការចាប់ និងលក្ខខណ្ឌប្រតិបត្តិការត្រូវបានកំណត់ដោយការចរចាប្រចាំឆ្នាំ៕
ប្រែសម្រួល ឈូក បូរ៉ា
