អង់ការ៉ា៖ ប្រធានាធិបតីតួកគីលោក Recep Tayyip Erdogan បានផ្តល់សញ្ញាថា ទីក្រុងអង់ការ៉ា អាចទទួលយកប្រទេសហ្វាំងឡង់ ចូលទៅក្នុងអង្គការណាតូ មុនពេលធ្វើសកម្មភាពណាមួយ លើសមាជិកភាព នៃប្រទេសជិតខាង Nordic ស៊ុយអែត។
លោក Erdogan បានលើកឡើងតែប៉ុន្មានថ្ងៃ បន្ទាប់ពីទីក្រុងអង់ការ៉ា បានផ្អាកកិច្ចពិភាក្សាស្តីពីការចូលជា សមាជិករបស់អង្គការណាតូ ជាមួយប្រទេសទាំងពីរ បន្ទាប់ពីការតវ៉ាមួយក្នុងទីក្រុងស្ដុកហូម ដែលអ្នកនយោបាយស្តាំនិយមម្នាក់ បានដុតច្បាប់ចម្លងនៃគម្ពីគូរ៉ា។
លោក Erdogan បានឲ្យដឹងនៅក្នុងសុន្ទរកថា តាមទូរទស្សន៍ ដែលបានចាក់ផ្សាយកាលពីថ្ងៃអាទិត្យថា “យើងអាចផ្តល់សារផ្សេងពីហ្វាំងឡង់ នៅលើកម្មវិធីអង្គការណាតូរបស់ពួកគេ ហើយស៊ុយអែតនឹងភ្ញាក់ផ្អើលនៅពេលពួកគេឃើញសារ របស់យើង ប៉ុន្តែហ្វាំងឡង់ មិនគួរមានកំហុសដូចគ្នា ដែលស៊ុយអែត បានធ្វើនោះទេ”។
ប្រទេសស៊ុយអែត និងហ្វាំងឡង់ បានដាក់ពាក្យកាលពីឆ្នាំមុន ដើម្បីចូលរួមជាមួយអង្គការណាតូ បន្ទាប់ពីការលុកលុយរបស់រុស្ស៊ីលើអ៊ុយក្រែន ដោយទម្លាក់ចោលការមិនចូលបក្សសម្ព័ន្ធយោធា យូរអង្វែងរបស់ពួកគេ។
សមាជិកគ្រប់រូបនៃសម្ព័ន្ធភាពទាំង៣០ ត្រូវតែអនុម័តសមាជិកភាពរបស់ពួកគេ ហើយតួកគី និងហុងគ្រី គឺជាប្រទេសតែមួយគត់ ដែលមិនទាន់បានធ្វើដូច្នេះ។ សភាហុងគ្រីត្រូវបានគេរំពឹងថានឹងអនុម័តការដេញថ្លៃនៅក្នុងខែកុម្ភៈ។
ពាក្យបណ្តឹងចម្បងរបស់លោក Erdogan គឺជាមួយនឹងការបដិសេធ របស់ប្រទេសស៊ុយអែត ក្នុងការធ្វើបត្យាប័នមនុស្សរាប់សិបនាក់ ដែលទីក្រុងអង់ការ៉ា បានភ្ជាប់ជាមួយគណបក្សពលករឃឺដ ដែលត្រូវបានហាមឃាត់ (PKK) និងការប៉ុនប៉ងធ្វើរដ្ឋប្រហារឆ្នាំ២០១៦ ដែលបរាជ័យ៕
ប្រែសម្រួល ឈូក បូរ៉ា
