បរទេស៖ នាយករដ្ឋមន្ត្រីអ៊ីស្រាអ៊ែល លោក Benjamin Netanyahu កាលពីថ្ងៃពុធម្សិលមិញនេះ បានធ្វើការលើកឡើងថា លោកមានបំណងក្នុងការចូលរួម ជួយសម្របសម្រួលនិងដោះស្រាយ បញ្ហាជម្លោះរវាងប្រទេសអ៊ុយក្រែន និងប្រទេសរុស្សី ប្រសិនបើប្រធានាធិបតីអាមេរិក លោក Joe Biden មិនមានការជំទាស់ណាទេនោះ។
លោក Netanyahu បានថ្លែងប្រាប់ ទៅកាន់បណ្តាញសារព័ត៌មាន CNN ថា៖ប្រសិនបើភាគីពាក់ព័ន្ធនឹងស្នើសុំខ្ញុំ ខ្ញុំប្រាកដណាស់នឹងពិចារណា ចំពោះរឿងនេះប៉ុន្តែខ្ញុំនឹងមិនបង្ខំខ្លួនឯងពេកនោះទេ។
គួរឲ្យដឹងដែរថាលោក Netanyahu បានត្រឡប់មកក្លាយជាមេដឹកនាំ របស់ប្រទេសអ៊ីស្រាអ៊ែលវិញសាជាថ្មី កាលពីខែធ្នូក្នុងនាមជាមេដឹកនាំអាណត្តិទី៦របស់ខ្លួន៕ ប្រែសម្រួល៖ស៊ុនលី
