អង់ការ៉ា៖ ប្រធានាធិបតីតួកគី លោក Recep Tayyip Erdogan បានឲ្យដឹងថា តួកគីនឹងមិនយល់ព្រម លើការដេញថ្លៃ របស់ប្រទេសស៊ុយអែត ដើម្បីចូលរួមជាមួយអង្គការណាតូ នោះទេ ដរាបណាប្រទេសនេះ នៅតែបន្តអនុញ្ញាតឱ្យ មានការតវ៉ាដោយដុតភ្លើង គម្ពី គូរ៉ា របស់ខ្លួន។
លោក Erdogan បានប្រាប់សភាថា “ស៊ុយអែត! កុំខ្វាយខ្វល់ក្នុងការសាកល្បង។ យើងមិនអាចនិយាយថា “បាទ” ចំពោះការចូលជាសមាជិកណាតូ របស់អ្នកទេ ដរាបណាអ្នកបន្តអនុញ្ញាតឱ្យដុត និងហែកសៀវភៅ ដ៏ពិសិដ្ឋរបស់ខ្ញុំ ដែលជាគម្ពីរគូរ៉ា”។
លោកបានបន្ថែមថា “ទស្សនៈរបស់យើង ចំពោះហ្វាំងឡង់ គឺវិជ្ជមាន ប៉ុន្តែមិនមែនសម្រាប់ស៊ុយអែតនោះទេ” នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
ប្រតិកម្មតបរបស់ទីក្រុងអង់ការ៉ា ប្រឆាំងនឹងការដេញថ្លៃរបស់អង្គការណាតូរបស់រដ្ឋធានីស្ដុកហូម កើតឡើង បន្ទាប់ពីការអនុញ្ញាតចុងក្រោយ សម្រាប់ការតវ៉ានាពេលថ្មីៗនេះ ដែលពាក់ព័ន្ធនឹងការដុតគម្ពីគូរ៉ា នៅក្នុងប្រទេស Nordic ក៏ដូចជាបញ្ហានៃការធ្វើបត្យាប័នមនុស្ស ដែលមានទំនាក់ទំនង ជាមួយក្រុមប្រឆាំងតួកគី។
គួរបញ្ជាក់ថា ប៉ូលិសស៊ុយអែត បានអនុញ្ញាតឱ្យមានការតវ៉ាមួយដែលអ្នកនយោបាយស្តាំនិយមម្នាក់បានដុតច្បាប់ចម្លងនៃគម្ពីគូរ៉ានៅខាងក្រៅស្ថានទូតទួរគីក្នុងទីក្រុងស្ដុកហូម កាលពីខែមករា។
ស៊ុយអែត និងហ្វាំងឡង់ បានដាក់សំណើជាផ្លូវការ ដើម្បីចូលរួមជាមួយណាតូ ក្នុងខែឧសភា ឆ្នាំ២០២២ ដែលត្រូវបានជំទាស់ដំបូងដោយតួកគី សមាជិកណាតូ ដោយលើកឡើងពីការគាំទ្រ របស់ពួកគេចំពោះអង្គការ ប្រឆាំងតួកគី ទាំងក្រុមឃឺដ និងអ្នកនយោបាយប្រឆាំង៕
ប្រែសម្រួល ឈូក បូរ៉ា
