ព័ត៌មានអន្តរជាតិ

អ្នកជំនាញអាមេរិក​ សម្ដែងការព្រួយបារម្ភអំពីការបំពុលសារធាតុគីមីគ្រោះថ្នាក់ខ្លាំង បន្ទាប់ពីរថភ្លើង ធ្លាក់ផ្លូវនៅរដ្ឋ Ohio

នញអមរវ៉ាស៊ីនតោន៖ អ្នកជំនាញអាមេរិកបានសម្តែងការព្រួយបារម្ភយ៉ាងខ្លាំងចំពោះការខូចខាតដោយភ្លើងឆេះ និងការបំពុលសារធាតុគីមីដល់មនុស្ស និងបរិស្ថាន បន្ទាប់ពីគ្រោះមហន្តរាយរថភ្លើងធ្លាក់ផ្លូវនៅក្នុងរដ្ឋ Ohio សហរដ្ឋអាមេរិក។

កាលពីថ្ងៃទី០៣ ខែកុម្ភៈ រថភ្លើងដែលផ្ទុកសារធាតុ vinyl chloride ដែលជាឧស្ម័នគ្មានពណ៌ដ៏គ្រោះថ្នាក់បានក្រឡាប់នៅប៉ាឡេស្ទីនខាងកើតនៃរដ្ឋ Ohio ក្បែរព្រំដែនជាមួយរដ្ឋ Pennsylvania ។

ពួកវាជាច្រើនមានផ្ទុកសារធាតុគីមីគ្រោះថ្នាក់ រួមមាន butyl acrylate និង vinyl chloride ដែលស្ថិតក្នុងចំណោមវត្ថុរាវ ដែលអាចឆេះបាន ដែលអាជ្ញាធរបារម្ភថា អាចបង្កឱ្យមានការផ្ទុះដ៏ធំមួយ។

កាលពីថ្ងៃទី០៦ ខែកុម្ភៈ អាជ្ញាធរបានអនុញ្ញាតឱ្យក្រុមហ៊ុនដឹកជញ្ជូន Norfolk Southern ដែលជាក្រុមហ៊ុនដឹកជញ្ជូន ដែលដំណើរការរថភ្លើងដំណើរការដែលគេហៅថា “ការផ្ទុះដែលអាចគ្រប់គ្រងបាន” នៃសារធាតុគីមីគ្រោះថ្នាក់ ដែលបណ្តាលឱ្យមានផ្សែងខ្មៅយ៉ាងច្រើន។

លោក Jay H. Jones,  សាស្ត្រាចារ្យផ្នែកជីវវិទ្យា និងជីវគីមីនៅសាកលវិទ្យាល័យ La Verne បានប្រាប់កាសែតស៊ិនហួ ក្នុងបទសម្ភាសន៍មួយកាលពីថ្ងៃអង្គារថា “ការដុតដែលបានគ្រប់គ្រងបានបញ្ជូនបរិមាណកាបូនខ្មៅយ៉ាងច្រើនទៅក្នុងខ្យល់ ក៏ដូចជាផ្សែងដែលមិនឆេះ។ កាបូនខ្មៅតែមួយមុខបានសម្លាប់មនុស្សម្នាក់ក្នុងចំណោម ៨នាក់មុនអាយុនៅទូទាំងពិភពលោក។ ឧប្បត្តិហេតុនេះគ្រាន់តែរួមចំណែកដល់រឿងនោះរួមជាមួយនឹងប្រភពជាច្រើនទៀត”

លោក Evaggelos Vallianatos ប្រវត្តិវិទូ និងជាអ្នកទ្រឹស្តីសេដ្ឋកិច្ចនយោបាយបានលើកឡើងថា “លទ្ធផលគឺការបំផ្លិចបំផ្លាញ និងការស្លាប់ផ្នែកអេកូឡូស៊ីដែលអាចកើតមានភ្លាមៗ និងរ៉ាំរ៉ៃ” នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ៕ប្រែសម្រួល ឈូក បូរ៉ា

To Top