ប៉េកាំង៖ បាឡុងស៊ីវិលគ្មានមនុស្សបើក គ្មានគ្រោះថ្នាក់ទាំងស្រុង បានស្ថិតក្នុងភាពស្រើបស្រាល ក្នុងការប្រឆាំងចិនចុងក្រោយបង្អស់ ដែលទាញដោយអ្នកនយោបាយ និងប្រព័ន្ធផ្សព្វផ្សាយអាមេរិកមួយចំនួន។
ទោះបីជាយ៉ាងណាក៏ដោយ ការចោទប្រកាន់ចិនពីបទហោះហើរ បាឡុងឃ្លាំមើល បានត្រឹមតែធ្វើឱ្យការវាយប្រហាររបស់ពួកគេ មើលទៅមិនសមហេតុផល និងគួរឱ្យអស់សំណើច ព្រោះវាមិនមែនជារឿងសម្ងាត់នោះទេ ដែលសហរដ្ឋអាមេរិកខ្លួនឯង គឺជាមហាអំណាចចារកម្មដ៏ធំបំផុតរបស់ពិភពលោក ជាមួយនឹងបណ្តាញចារកម្មធំទូលាយបំផុតរបស់ពិភពលោក។
ការរស់នៅតាមនិរន្តរភាពនៃ “អាណាចក្រឃ្លាំមើល” សហរដ្ឋអាមេរិក អស់រយៈពេលជាច្រើនទស្សវត្សមកហើយ បានធ្វើការឃ្លាំមើលយ៉ាងខ្ជាប់ខ្ជួននូវរដ្ឋាភិបាល ក្រុមហ៊ុន និងបុគ្គលបរទេស ព្រមទាំងប្រជាពលរដ្ឋរបស់ខ្លួនផងដែរ។
អ្នកនាំពាក្យក្រសួងការបរទេសចិន លោក Wang Wenbin បានឲ្យដឹងនៅក្នុងសន្និសីទសារព័ត៌មានកាលពីពេលថ្មីៗនេះថា នៅពេលអំពីការឃ្លាំមើល វាចាំបាច់ក្នុងការចង្អុលបង្ហាញថា សហរដ្ឋអាមេរិកគឺជារដ្ឋឃ្លាំមើលលេខ១ របស់ពិភពលោក។
យោងតាម Politico មន្ទីរបញ្ចកោណបានចំណាយប្រាក់រាប់ពាន់លានដុល្លារ ដើម្បីបង្កើតប៉េងប៉ោងឈ្លបយកការណ៍រយៈកម្ពស់ខ្ពស់ចាប់តាំងពីឆ្នាំ១៩៩៧ ហើយបានផ្លាស់ប្តូរគម្រោងប៉េងប៉ោង ទៅជាសេវាកម្មយោធានៅឆ្នាំ២០២២ ដោយស្ងាត់ស្ងៀម។ បាឡុងនេះអាចត្រូវបានប្រើប្រាស់ ដើម្បីតាមដានកាំជ្រួចនាវាចរណ៍យុទ្ធសាស្ត្រ លឿនជាងសំឡេង ដែលកំពុងត្រូវបានអភិវឌ្ឍដោយប្រទេសចិន និងរុស្ស៊ី៕ ប្រែសម្រួល ឈូក បូរ៉ា
