ប៉េកាំង៖ អ្នកការទូតកំពូលរបស់ចិនលោក វ៉ាង យី បានចាប់ផ្តើមដំណើរទស្សនកិច្ចនៅរុស្ស៊ីរបស់លោកកាលពីថ្ងៃអង្គារ បន្ទាប់ពីដំណើរទស្សនកិច្ចរបស់លោក ទៅកាន់ប្រទេសបារាំង អ៊ីតាលី ហុងគ្រី និងកិច្ចប្រជុំជាបន្តបន្ទាប់ជាមួយអ្នកការទូតមកពីប្រទេសនានា រួមទាំងសហរដ្ឋអាមេរិក និងអ៊ុយក្រែននៅប្រទេសអាល្លឺម៉ង់ នៅខាងក្រៅសន្និសីទសន្តិសុខទីក្រុង Munich ដោយមានអ្នកវិភាគឲ្យដឹងថាប្រទេសចិនគឺជា ការខិតខំប្រឹងប្រែងសម្រាប់ការសម្រុះសម្រួលដោយការចូលរួមជាមួយភាគីពាក់ព័ន្ធទាំងអស់ដែលពាក់ព័ន្ធនឹងជម្លោះរុស្ស៊ី-អ៊ុយក្រែន ខណៈដែលសហរដ្ឋអាមេរិក នៅតែបន្តបន្ថែមភ្លើងទៅក្នុងអណ្តាតភ្លើង និងកេងប្រវ័ញ្ចជម្លោះ ដើម្បីធ្វើការបង្ហាញនយោបាយ។
ប្រព័ន្ធផ្សព្វផ្សាយរុស្ស៊ី Sputnik បានរាយការណ៍ថា លោក វ៉ាង យី បានជួបពិភាក្សាជាមួយលោក Nikolai Patrushev លេខាធិការក្រុមប្រឹក្សាសន្តិសុខនៃសហព័ន្ធរុស្ស៊ីនៅទីក្រុងមូស្គូកាលពីថ្ងៃអង្គារ។
ប្រធានាធិបតីអាមេរិកលោក ចូ បៃដិន បានធ្វើទស្សនកិច្ចដ៏គួរឱ្យភ្ញាក់ផ្អើលមួយទៅកាន់ទីក្រុងគៀវកាលពីថ្ងៃចន្ទ ហើយបានប្រកាសផ្តល់ជំនួយយោធាថ្មី ដែលមានតម្លៃ ៥០០ លានដុល្លារ។
អ្នកជំនាញបានឲ្យដឹងថា ក្រៅពីការពង្រឹងស្មារតីនៅក្នុងសមរភូមិរបស់អ៊ុយក្រែន ការធ្វើដំណើរនេះគឺនិយាយអំពី “ការបង្ហាញនយោបាយ” ដែលធ្វើឡើងដោយលោក បៃដិន សម្រាប់ទស្សនិកជនក្នុងស្រុករបស់លោក នៅអាមេរិក ហើយមិនមានជាប់ពាក់ព័ន្ធនឹងការសម្របសម្រួលជម្លោះ និងការលើកកម្ពស់សន្តិភាពនោះទេ។
អ្នកជំនាញបានឲ្យដឹងទៀតថា “វាជារឿងគួរឲ្យអាណិតដែលប្រធានាធិបតីអាមេរិកអាចផ្តល់ប្រាក់តែ ៥០០ លានដុល្លារជាជំនួយដ៏មានន័យព្រោះប្រាក់ទាំងនេះនឹងត្រូវចំណាយក្នុងរយៈពេលប្រហែលមួយឬពីរសប្តាហ៍ប៉ុណ្ណោះ”។
ប្រព័ន្ធផ្សព្វផ្សាយលោកខាងលិចមួយចំនួនកំពុងព្យាយាមធ្វើការប្រៀបធៀបរវាងសហរដ្ឋអាមេរិក និងចិនលើសកម្មភាពការទូតចុងក្រោយរបស់ប្រទេសទាំងពីរ ហើយព្យាយាមធ្វើឱ្យវាមើលទៅដូចជាប្រទេស ដែលមានសេដ្ឋកិច្ចធំបំផុតទាំងពីរកំពុងជ្រើសរើសភាគីរវាងភាគីទាំងពីរនៃសង្រ្គាម ដែលកំពុងបន្ត ប៉ុន្តែអ្នកវិភាគចិនបានឲ្យដឹងថាទាំងនេះ ប្រព័ន្ធផ្សព្វផ្សាយលោកខាងលិចបានព្រងើយកន្តើយចំពោះការចូលរួម និងការប្រាស្រ័យទាក់ទងរបស់ចិន ជាមួយភាគីពាក់ព័ន្ធផ្សេងទៀត មុនពេលដំណើរទស្សនកិច្ចរបស់លោក វ៉ាង យី ទៅកាន់ប្រទេសរុស្ស៊ី ហើយព្យាយាមបន្ទាបបន្ថោក ឬបកស្រាយខុសចំពោះកិច្ចខិតខំប្រឹងប្រែងរបស់ចិនសម្រាប់ការសម្រុះសម្រួល។
លោក Cui Heng ជំនួយការអ្នកស្រាវជ្រាវមកពីមជ្ឈមណ្ឌលសម្រាប់ការសិក្សារុស្ស៊ីនៃសាកលវិទ្យាល័យ East China Normal University បានប្រាប់ Global Times កាលពីថ្ងៃអង្គារថា ទីក្រុងវ៉ាស៊ីនតោន និងប្រព័ន្ធផ្សព្វផ្សាយលោកខាងលិចមួយចំនួន កំពុងព្យាយាមធ្វើឱ្យស្ថានភាពបច្ចុប្បន្នមើលទៅដូចជា សហរដ្ឋអាមេរិក និងចិនកំពុងមានប្លុក។
ការប្រឈមមុខដាក់គ្នាក្នុងប្លុក ដោយមានសហរដ្ឋអាមេរិក គាំទ្រអ៊ុយក្រែន ខណៈពេលដែលចិនគាំទ្ររុស្ស៊ី ហើយនេះជាមូលហេតុដែលរដ្ឋមន្ត្រីការបរទេសអាមេរិកលោក Antony Blinken និងអ្នកការទូតលោកខាងលិចមួយចំនួនទៀតកំពុងធ្វើការ ព្រមាន មិនសមហេតុសមផលដល់ប្រទេសចិន អំពីការមិនផ្គត់ផ្គង់អាវុធឱ្យរុស្ស៊ី។
ចិន និងរុស្ស៊ី បានបញ្ជាក់យ៉ាងច្បាស់ជាច្រើនដងថា ទំនាក់ទំនងជាយុទ្ធសាស្ត្ររវាងពួកគេនឹងមិនកំណត់គោលដៅភាគីទីបីណាមួយឡើយ ហើយចិនមានសិទ្ធិមានកិច្ចសហប្រតិបត្តិការជាមួយរុស្ស៊ីដោយផ្អែកលើផលប្រយោជន៍របស់ពួកគេ ហើយសហរដ្ឋអាមេរិក និងបក្ខពួកមិនមានសិទ្ធិចង្អុលបង្ហាញពួកគេទេ៕
ប្រែសម្រួល ឈូក បូរ៉ា
