បរទេស៖ យោងតាមការចេញផ្សាយរបស់ rt.com កាលពីថ្ងៃម្សិលមិញនេះ បានឲ្យដឹងថា ហ្វូងបាតុករជាច្រើនកន្លែង ដែលប្រមូលផ្តុំគ្នាឡើងក្នុងការប្រឆាំង ទៅនឹងសមាជិកភាពរបស់បារាំង នៅអង្គការណាតូ។
ហេតុការណ៍តវ៉ាប្រឆាំងនេះ បានផ្ទុះឡើងនៅតាមតំបន់ជាច្រើន នៅទូទាំងប្រទេសនិងក៏ដូចជាទីក្រុងប៉ារីសផង ក្នុងនោះផងដែរក៏មានគោលបំណង ដើម្បីប្រឆាំងទៅនឹងការសម្រេចចិត្ត បន្តការផ្គត់ផ្គង់ទៅឲ្យ ប្រទេសអ៊ុយក្រែនផងដែរ។
គួរឲ្យដឹងដែរហ្វូងបាតុករ ដែលត្រូវបានគេស្គាល់ថា ជាក្រុមពលរដ្ឋរៀបចំឡើង ដោយគណបក្សស្តាំងនិយម Les Patriotes ដែលបច្ចុប្បន្នកំពុងដឹកនាំដោយលោក Florian Philippot និងក៏បានចូលរួមធ្វើការ តវ៉ានេះដោយផ្ទាល់ផងដែរ។
អ្នកនយោបាយរូបនេះ បានធ្វើការអះអាងនៅក្នុងព្រឹត្តិការណ៍នេះ គឺជាការប្រមូលផ្តុំដើម្បីសន្តិភាព ហើយវាគឺជាប្រមូលផ្តុំរយៈពេល ២ដងជាប់គ្នាមកហើយ នាពេលចុងសប្តាហ៍កន្លងមកនេះ ខណៈដែលមនុស្សដល់ទៅ ១០០០០នាក់ ដែលបានជួបជុំគ្នានៅក្នុងក្រុងប៉ារីស និងច្រើនពាន់នាក់ទៀតនៅតាម ទីតាំងសំខាន់ៗ ៣០ផ្សេងទៀតក្នុងប្រទេស ៕
ប្រែសម្រួល៖ ស៊ុន លី
