ប៉េកាំង៖ ប្រទេសចិន បានថ្កោលទោសសហរដ្ឋអាមេរិក ចំពោះការដាក់ទណ្ឌកម្មក្រុមហ៊ុនចិន សម្រាប់ការជាប់ពាក់ព័ន្ធជាមួយរុស្ស៊ី ដោយថាទណ្ឌកម្មខុសច្បាប់ជាឯកតោភាគីប្រសិនបើមិនត្រូវបានដកហូតទេនោះ នឹងត្រូវបានឆ្លើយតបជាមួយនឹងវិធានការតបតពីប្រទេសចិន។
លោកស្រី Mao Ning អ្នកនាំពាក្យក្រសួងការបរទេសចិនបានប្រាប់សន្និសីទសារព័ត៌មានថា សកម្មភាពរបស់អាមេរិកខ្វះទាំងមូលដ្ឋានច្បាប់អន្តរជាតិ និងអាណត្តិក្រុមប្រឹក្សាសន្តិសុខអង្គការសហប្រជាជាតិ។
លោកស្រីបានលើកឡើងថា “វាគឺជាការដាក់ទណ្ឌកម្មឯកតោភាគីធម្មតា និងជា ‘យុត្តាធិការអាវុធវែង’ ខុសច្បាប់ និងធ្វើឱ្យប៉ះពាល់ដល់ផលប្រយោជន៍របស់ចិន។ យើងសូមបដិសេធ និងច្រានចោលទង្វើនេះ ហើយបានធ្វើឱ្យមានការដាក់ទណ្ឌកម្មយ៉ាងធ្ងន់ធ្ងរ ចំពោះភាគីសហរដ្ឋអាមេរិក”។
អ្នកស្រីបានបន្ដថា “យើងបានជំរុញយ៉ាងសកម្មការចរចាសន្តិភាព និងស្វែងរកដំណោះស្រាយនយោបាយ។ ទោះជាយ៉ាងណាក៏ដោយ សហរដ្ឋអាមេរិកបាននឹងកំពុងដុតភ្លើង និងបញ្ឆេះការប្រយុទ្ធជាមួយនឹងអាវុធបន្ថែមទៀត”។
មកទល់ពេលនេះ សហរដ្ឋអាមេរិក បានផ្តល់ជំនួយយោធាដល់អ៊ុយក្រែនជាង ៣២ពាន់លានដុល្លារអាមេរិក រួមទាំងអាវុធទំនើបៗជាច្រើនផងដែរ។ ប៉ុន្មានថ្ងៃមុននេះ វាបានប្រកាសពីជំនួយយោធាមួយទៀតសម្រាប់អ៊ុយក្រែន ដែលមានតម្លៃ ២ពាន់លានដុល្លារអាមេរិក នេះបើយោងតាមអ្នកនាំពាក្យ។
លោកបានបន្ថែមថា សហរដ្ឋអាមេរិកបាននិងកំពុងចាក់អាវុធចូលទៅក្នុងភាគីម្ខាងនៃជម្លោះ ដូច្នេះហើយការអូសបន្លាយការប្រយុទ្ធ និងធ្វើឱ្យសន្តិភាពមានការភាន់ច្រឡំ ខណៈពេលដែលការផ្សព្វផ្សាយព័ត៌មានមិនពិតដែលថាប្រទេសចិននឹងផ្គត់ផ្គង់អាវុធដល់រុស្ស៊ី និងដាក់ទណ្ឌកម្មក្រុមហ៊ុនចិនក្រោមលេសនោះ៕
ប្រែសម្រួល ឈូក បូរ៉ា
