បរទេស៖ យោធាអាមេរិក និងកូរ៉េខាងត្បូងបានប្រកាសសមយុទ្ធរួមគ្នាដ៏ធំបំផុតរបស់ពួកគេ ក្នុងរយៈពេលយ៉ាងហោចណាស់ ៥ ឆ្នាំ និងយូរបំផុតក្នុងកំណត់ត្រា ដោយប្រឆាំងនឹងការគំរាមកំហែងពីកូរ៉េខាងជើង ដែលសមយុទ្ធបែបនេះអាចត្រូវបានចាត់ទុកថាជា “ការប្រកាសសង្គ្រាម” និងនាំឱ្យមាន “ការប្រឆាំងដ៏ខ្លាំងក្លាដែលមិនធ្លាប់មានពីមុនមក។
យោងតាមសារព័ត៌មាន RT ចេញផ្សាយនៅថ្ងៃទី៤ ខែមីនា ឆ្នាំ២០២៣ បានឱ្យដឹងថា សមយុទ្ធនេះ រួមទាំងការចុះចតលើទឹក នឹងត្រូវធ្វើឡើងចាប់ពីថ្ងៃទី ១៣ ខែមីនា ដល់ថ្ងៃទី ២៣ ខែមីនា ហើយនឹងក្លាយជាសមយុទ្ធរួមដ៏ធំបំផុត ដែលធ្វើឡើងដោយប្រទេសទាំងពីរ ចាប់តាំងពីរដ្ឋបាលលោកប្រធានាធិបតី Donald Trump បានបន្ថយការហ្វឹកហ្វឺនបែបនេះ ក្នុងអំឡុងកិច្ចចរចាសន្តិភាព ជាមួយមេដឹកនាំកូរ៉េខាងជើង លោក គីម ជុងអ៊ុន។
សមយុទ្ធរួមគ្នាដែលហៅថា Freedom Shield និង Warrior Shield ត្រូវបានរចនាឡើង ដើម្បីពង្រឹងសមត្ថភាពឆ្លើយតបរបស់សម្ព័ន្ធមិត្ត ចំពេលមានការផ្លាស់ប្តូរបរិយាកាសសន្តិសុខ “ការឈ្លានពាន” របស់កូរ៉េខាងជើង និង “មេរៀនដែលបានរៀនពីសង្គ្រាម និងជម្លោះនាពេលថ្មីៗនេះ” ។ នេះបើតាមអ្នកនាំពាក្យកងកម្លាំងសហរដ្ឋអាមេរិក Isaac Taylor បានប្រាប់អ្នកយកព័ត៌មាន កាលពីថ្ងៃសុក្រនៅទីក្រុងសេអ៊ូល។
សម្រាប់វិធានការដ៏ល្អ សហរដ្ឋអាមេរិក បានធ្វើការបង្ហាញកម្លាំងកាលពីថ្ងៃសុក្រ ដោយបានដាក់ពង្រាយយន្តហោះទម្លាក់គ្រាប់បែកបំបាំងកាយ B-1B នៅក្នុងសមយុទ្ធដែនអាកាសរួមគ្នាជាមួយយន្តហោះកូរ៉េខាងត្បូង។ ក្រសួងការពារជាតិ របស់ទីក្រុងសេអ៊ូលបាននិយាយថា គោលបំណងនៃសមយុទ្ធនេះគឺដើម្បីបង្ហាញពី “ការរារាំងដ៏រឹងមាំ និងគួរឱ្យជឿជាក់របស់ទីក្រុងវ៉ាស៊ីនតោន ប្រឆាំងនឹងការគំរាមកំហែងនុយក្លេអ៊ែរ និងមីស៊ីលរបស់កូរ៉េខាងជើង” ៕ ប្រែសម្រួលៈ ណៃ តុលា
