បរទេស៖ លោកប្រធានាធិបតីអាមេរិក Joe Biden កំពុងដឹកនាំសហរដ្ឋអាមេរិក “ចូលទៅក្នុងការភ្លេចភ្លាំង” លោក ដូណាល់ ត្រាំ បានប្រាប់សន្និសីទសកម្មភាពនយោបាយអភិរក្សនៅរដ្ឋ Maryland កាលពីថ្ងៃសៅរ៍ដោយសន្យាថានឹងឈប់ខ្ជះខ្ជាយលុយអ្នកបង់ពន្ធ របស់សហរដ្ឋអាមេរិក លើសង្រ្គាមបរទេស “ឆោតល្ងង់” នៅពេលដែលលោកប្រមូលផ្តុំការគាំទ្រ សម្រាប់ការត្រលប់មកវិញ នយោបាយ ដ៏មានសក្តានុពល នៅឆ្នាំ ២០២៤។
យោងតាមសារព័ត៌មាន RT ចេញផ្សាយនៅថ្ងៃទី៥ ខែមីនា ឆ្នាំ២០២៣ បានឱ្យដឹងថា លោក Trump បាននិយាយនៅក្នុងសុន្ទរកថារយៈពេលជិតពីរម៉ោងនៅឯការជួបជុំអភិរក្សប្រចាំឆ្នាំនៅឯ Gaylord National Resort ដោយអះអាងថា “ខ្ញុំជាប្រធានាធិបតីតែមួយគត់ក្នុងរយៈពេលជាច្រើនទសវត្សរ៍ដែលមិនមានសង្រ្គាម” ។ មានការរីកចម្រើន គ្មានមនុស្សស្លាប់ គ្មានទីក្រុងដែលត្រូវបានបំផ្លាញដែលមិនអាចបង្កើតឡើងវិញបានឡើយ»។
កាលពីខែមុន លោក ត្រាំ បានសន្យាថា នឹងទូរស័ព្ទទៅទីក្រុងមូស្គូ និងក្រុងគៀវភ្លាមៗ ប្រសិនបើជាប់ឆ្នោតឡើងវិញ ដោយទទូចថា លោកដឹងច្បាស់ពីអ្វីដែលត្រូវប្រាប់ប្រធានាធិបតីរុស្ស៊ីលោក Vladimir Putin និងមេដឹកនាំអ៊ុយក្រែនលោក Vladimir Zelensky ឱ្យបញ្ឈប់ជម្លោះ។
លោកបន្តថា “ខ្ញុំដឹងថាត្រូវនិយាយយ៉ាងណា” , លោកបានបញ្ជាក់ជាថ្មីកាលពីថ្ងៃសៅរ៍ថា “មុនពេលខ្ញុំមកដល់ការិយាល័យ Oval Office ខ្ញុំនឹងធ្វើឱ្យសង្រ្គាមដ៏មហន្តរាយរវាងរុស្ស៊ី និងអ៊ុយក្រែន ត្រូវបញ្ចប់… ខ្ញុំនឹងដោះស្រាយបញ្ហា ហើយខ្ញុំនឹងដោះស្រាយ ឱ្យបានឆាប់រហ័ស ហើយវានឹងចំណាយពេលមិនយូរជាងមួយថ្ងៃនោះទេ”៕
ប្រែសម្រួលៈ ណៃ តុលា
