កូឡាំឡាំពួរ៖ អតីតនាយករដ្ឋមន្ត្រីម៉ាឡេស៊ី លោក Muhyiddin Yassin ត្រូវបានចោទប្រកាន់នៅថ្ងៃសុក្រនេះពីបទពុករលួយ និងការលាងលុយកខ្វក់ជុំវិញការដោះស្រាយពាក់ព័ន្ធនឹងមូលនិធិជំងឺកូវីដ-១៩ ដែលលោកបានផ្តួចផ្តើមឡើងក្នុងពេលកាន់អំណាច។
លោក Muhyiddin ដែលកាន់តំណែង នៅចន្លោះខែមីនា ឆ្នាំ២០២០ និងខែសីហា ឆ្នាំ២០២០ បានសារភាពថាមិនមានកំហុសនៅតុលាការទីក្រុង កូឡាំឡាំពួរ ចំពោះការចោទ ប្រកាន់ពីបទរំលោភអំណាចជានាយករដ្ឋមន្ត្រី និងជាប្រធានគណបក្ស Bersatu របស់លោកដើម្បីសុំសំណូកពី ប្រភពផ្សេងៗក្នុងនាមជាគណបក្ស Bersatu ។
ការចោទប្រកាន់ពីបទពុករលួយទាំងបួននេះ អាចធ្វើឲ្យគាត់ប្រឈមមុខ នឹងការជាប់ពន្ធនាគារអតិបរមា ២០ឆ្នាំ ខណៈដែលបទចោទប្រកាន់ ពីបទលាងលុយកខ្វក់ អាចមានន័យថាជាប់ពន្ធនាគាររហូតដល់ ១៥ឆ្នាំ បន្ថែមពីលើការផាកពិន័យ យ៉ាងធ្ងន់ធ្ងរប្រសិនបើគាត់ត្រូវបានផ្តន្ទាទោស។
លោក Muhyiddin ត្រូវបានឃុំខ្លួន កាលពីថ្ងៃព្រហស្បតិ៍ នៅពេលដែលលោក បង្ហាញខ្លួន សម្រាប់ការសាកសួរនៅទីស្នាក់ការ កណ្តាលរបស់ទីភ្នាក់ងារប្រឆាំងអំពើពុករលួយ របស់ប្រទេសម៉ាឡេស៊ីនៅទីក្រុង Putrajaya រដ្ឋធានីរដ្ឋបាលសហព័ន្ធ ជុំវិញកម្មវិធី Jana Wibawa ។
កម្មវិធីនេះគឺជាផ្នែកមួយនៃកញ្ចប់ជំរុញកូវីដ-១៩ ដើម្បីជួយអ្នកម៉ៅការជនជាតិម៉ាឡេ ក្រោមគោលនយោបាយសកម្មភាព ដែលបញ្ជាក់របស់រដ្ឋាភិបាល។
ថ្លែងទៅកាន់អ្នកសារព័ត៌មាន កាលពីល្ងាចថ្ងៃព្រហស្បតិ៍ បន្ទាប់ពីលោកត្រូវបានដោះលែង បន្ទាប់ពីការសាកសួរជាច្រើន ម៉ោងដោយទីភ្នាក់ងារប្រឆាំង អំពើពុករលួយ លោក Muhyiddin បានថ្កោលទោសការចោទប្រកាន់នេះថា ជាការប៉ុនប៉ងធ្វើឱ្យលោករង ភាពអាម៉ាស់ ដោយលើកឡើងថាពួកគេស្មើនឹង “ការធ្វើទុក្ខបុកម្នេញដោយជ្រើសរើស” ដោយគណបក្សចម្រុះ ដែលកំពុងកាន់អំណាច ដែលមានបំណងបំផ្លាញរូបលោក ដែលជាសម្ព័ន្ធប្រឆាំងមុនការបោះឆ្នោតមូលដ្ឋាន ៕
ប្រែសម្រួល ឈូក បូរ៉ា
