ម៉ូស្គូ៖ ប្រធានាធិបតីរុស្ស៊ី លោក វ្លាឌីមៀ ពូទីន បានចែករំលែកហេតុផលជាក់ស្តែងថា ហេតុអ្វីបានជាលោកមិនបញ្ជាឱ្យមាន ការឈ្លានពានពេញលេញលើ អ៊ុយក្រែនក្នុងឆ្នាំ២០១៤ ។
នៅក្នុងបទសម្ភាសន៍ ជាមួយប៉ុស្តិ៍ទូរទស្សន៍រុស្ស៊ី 1 ដែលគ្រប់គ្រងដោយរដ្ឋ លោក ពូទីន បានអះអាងថា លោកចង់ដោះស្រាយភាពចលាចល នៅក្នុងតំបន់ដោយមិនធ្វើសង្គ្រាម។
យោងតាមសារព័ត៌មាន TASS ដែលគ្រប់គ្រងដោយរដ្ឋរុស្ស៊ី លោក ពូទីន បានលើកឡើងថា “យើងសន្មត់ថា យើងនឹងអាចដោះស្រាយ ស្ថានការណ៍ដោយសន្តិវិធីយ៉ាងពិតប្រាកដ។ យើងមិនដែលខ្វល់ខ្វាយ ចំពោះការប្រឈមមុខដាក់គ្នាណាមួយឡើយ”។
លោកអះអាងថា “ឥឡូវនេះ យើងឃើញថា យើងមានភាពរញ៉េរញ៉ៃដោយមិនមាន ដៃគូណាមួយរបស់យើងមាន បំណងដោះស្រាយអ្វីដោយសន្តិវិធីឡើយ” នេះបើយោងតាមការចុះផ្សាយ របស់ទីភ្នាក់ងារសារព័ត៌មាន Newsweek។
លោកបានបន្ថែមថា “ទីពីរ នេះក៏អនុវត្តចំពោះការត្រៀមខ្លួនរបស់យើង សម្រាប់សកម្មភាពដ៏ធ្ងន់ធ្ងរមួយចំនួនបន្ថែមទៀត នៅក្នុងក្របខ័ណ្ឌរបស់យើង នៃអ្វីដែលគេហៅថា “និទាឃរដូវនៅឧបទ្វីបគ្រីមៀ” ៕
ប្រែសម្រួល ឈូក បូរ៉ា
