ប៉េកាំង៖ ក្រសួងការបរទេសចិន បានឲ្យដឹងថា របាយការណ៍របស់ប្រទេសឆ្នាំ២០២២ របស់សហរដ្ឋអាមេរិក ស្តីពីការអនុវត្តសិទ្ធិមនុស្សគឺ “ពោរពេញទៅដោយការកុហក និងភាពលំអៀងនៃមនោគមវិជ្ជា ហើយការនិយាយដដែលៗពីមួយឆ្នាំទៅមួយឆ្នាំ ហើយវាក៏មិនមានតម្លៃក្នុងការបដិសេធដែរ” ។
អ្វីដែលពិភពលោកអាចមើលឃើញពីរបាយការណ៍ឆ្នាំនេះ មិនមែនជាការអនុវត្តសិទ្ធិមនុស្សក្នុងប្រទេសផ្សេងៗនោះទេ ប៉ុន្តែជាការអនុវត្តអនុត្តរភាព និងការសម្លុត និងស្តង់ដារទ្វេដងរបស់សហរដ្ឋអាមេរិកផ្ទាល់។
ចេញផ្សាយនៅថ្ងៃច័ន្ទ របាយការណ៍នេះគ្របដណ្តប់ប្រទេស និងតំបន់ចំនួន ១៩៨ ។ របាយការណ៍ស្តីពីប្រទេសចិន មាន ៨៧ ទំព័រ ហើយមានការចោទប្រកាន់ដោយគ្មានមូលដ្ឋានលើអ្វីដែលគេហៅថាអំពើប្រល័យពូជសាសន៍ និងឧក្រិដ្ឋកម្មប្រឆាំងមនុស្សជាតិនៅក្នុងតំបន់ស៊ីជាំង របស់ប្រទេសចិន ដូចដែលបានគូសបញ្ជាក់នៅក្នុងបុព្វកថា ដែលបានជួបប្រទះការមិនពេញចិត្តយ៉ាងខ្លាំងពីអាជ្ញាធរ និងអ្នកជំនាញរបស់ចិន។
សហរដ្ឋអាមេរិក បានចាត់ទុកខ្លួនឯងជាបង្គោលសិទ្ធិមនុស្សជាយូរមកហើយ ហើយជាញឹកញាប់គ្រាន់តែរិះគន់ស្ថានភាពសិទ្ធិមនុស្សក្នុងប្រទេសផ្សេងទៀត ប៉ុន្តែតាមពិតទៅ សិទ្ធិមនុស្សគ្រាន់តែជាឧបករណ៍មួយ ដែលសហរដ្ឋអាមេរិកប្រើ ដើម្បីបង្រួបបង្រួមសម្ព័ន្ធមិត្ត និងដៃគូរបស់ខ្លួនរួមគ្នា ដើម្បីបង្ក្រាបការមិនចុះសម្រុងរបស់ខ្លួនប៉ិណ្ណោះ នេះបើយោងតាមការឲ្យដឹងរបស់លោក Jia Chunyang អ្នកជំនាញនៅវិទ្យាស្ថានទំនាក់ទំនងអន្តរជាតិសហសម័យចិន បានប្រាប់ Global Times កាលពីថ្ងៃអង្គារ។
របាយការណ៍ក៏បានរាយបញ្ជីការរំលោភសិទ្ធិមនុស្សមួយចំនួនរបស់រដ្ឋាភិបាលចិន នៅក្នុងតំបន់រដ្ឋបាលពិសេសហុងកុង (HKSAR)។ជាការឆ្លើយតប ការិយាល័យស្នងការនៃក្រសួងការបរទេសចិននៅ HKSAR ក៏បានសម្តែងការប្រឆាំងយ៉ាងខ្លាំងកាលពីថ្ងៃអង្គារ។
ការិយាល័យនេះ បាននិយាយនៅក្នុងសេចក្តីថ្លែងការណ៍មួយ របាយការណ៍នេះគ្រាន់តែលាបពណ៌ស្ថានភាពសិទ្ធិមនុស្ស និងនីតិរដ្ឋក្នុងទីក្រុងហុងកុង បង្កាច់បង្ខូចច្បាប់សន្តិសុខជាតិ សម្រាប់ទីក្រុងហុងកុង និងប្រព័ន្ធបោះឆ្នោតថ្មី សម្រាប់ទីក្រុង ក៏ដូចជាបង្កាច់បង្ខូចអភិបាលកិច្ចផ្អែកលើច្បាប់របស់រដ្ឋាភិបាល HKSAR៕ប្រែសម្រួល ឈូក បូរ៉ា
