បរទេស៖ យ៉ាងហោចណាស់មនុស្ស ២១នាក់បានស្លាប់ បន្ទាប់ពីខ្យល់ព្យុះកំបុតត្បូងបានបោកបក់ជាបន្តបន្ទាប់ មកលើផ្នែកខ្លះនៃភាគខាងត្បូង និងកណ្តាលខាងលិចរបស់សហរដ្ឋអាមេរិក។ ផ្ទះសម្បែងត្រូវបានបំផ្លាញ ហើយមនុស្សរាប់ពាន់នាក់ គ្មានថាមពលប្រើប្រាស់ បន្ទាប់ពីព្យុះកំបុតត្បូង បានបណ្តាលឱ្យមានការ បំផ្លិចបំផ្លាញនៅទូទាំងរដ្ឋជាច្រើន។
យោងតាមសារព័ត៌មាន BBC ចេញផ្សាយនៅថ្ងៃទី២ ខែមេសា ឆ្នាំ២០២៣ បានឱ្យដឹងថា នៅរដ្ឋ Arkansas គេបានឃើញរថយន្តក្រឡាប់ ដើមឈើរលំ និងបង្គោលភ្លើងដួលរលំ។
មនុស្ស ៥នាក់ត្រូវបានគេរាយការណ៍ថាបានស្លាប់នៅទីនោះ ក៏ដូចជា ៧ នាក់នៅ Tennessee , ៤នាក់នៅរដ្ឋ Illinois និង ៣នាក់នៅ Indiana ហើយនៅរដ្ឋ អាឡាបាម៉ា និងមីស៊ីស៊ីពី ក៏មានអ្នកស្លាប់ដែរ។
អ្នកស្រុកម្នាក់នៅទីក្រុង Little Rock នៃរដ្ឋ Arkansas ដែលជាកន្លែងកើតហេតុនៃព្យុះកំបុតត្បូងមួយបានប្រាប់ Washington Post ថាគាត់មានអារម្មណ៍ “មិនគួរឱ្យជឿទាំងស្រុង”ចំពោះឧប្បតិហេតុនេះឡើយ ៕
ប្រែសម្រួលៈ ណៃ តុលា
