ព័ត៌មានអន្តរជាតិ

មេដឹកនាំកំពូលអ៊ីរ៉ង់ និយាយថា អំណាចអាមេរិកចាប់ផ្តើមចុះខ្សោយ នៅក្នុងសណ្តាប់ធ្នាប់ថ្មី របស់ពិភពលោក

បរទេស៖ ទីភ្នាក់ងារចិនស៊ិនហួ ចេញផ្សាយនៅថ្ងៃនេះបានឲ្យដឹងថា ប្រទេសអ៊ីរ៉ង់តាមរយៈមេដឹកនាំកំពូលលោក Ali Khamenei បានអះអាងថា សហរដ្ឋអាមេរិកកំពុងធ្លាក់ចុះ នៃឥទ្ធិពលរបស់ខ្លួនយ៉ាងខ្លាំង ឆ្ពោះទៅកាន់របៀបរៀបចំសណ្តាប់ធ្នាប់ថ្មី របស់ពិភពលោក។

មេដឹកនាំកំពូលរូបនេះបានធ្វើការ កត់សម្គាល់នៅក្នុងសុន្ទរកថា ទៅកាន់កម្មវិធីប្រមូលផ្តុំមន្ត្រីជាន់ខ្ពស់ អ៊ីរ៉ង់មួយដែលក្នុងនោះ រួមមានទាំងវត្តមានរបស់ប្រធានាធិបតី Ebrahim Raisi ប្រធានសភា Mohammad Baqer Qalibaf និងប្រធានតុលាការ Gholamhossein Mohseni-Ejei ក៏ដូចជាសមាជិកសភានៅទីក្រុង តេហរ៉ង់ផងដែរ ។

មេដឹកនាំអ៊ីរ៉ង់បានពោលបែបនេះថា៖ ដោយផ្អែកលើការពិត សហរដ្ឋអាមេរិកបានចុះខ្សោយ ក្នុងរយៈពេលប៉ុន្មានឆ្នាំចុងក្រោយនេះ ហើយរដ្ឋបាលរបស់ប្រធានាធិបតី Joe Bidenអាចចាត់ទុកបានថា ជារដ្ឋាភិបាលអាមេរិកដែលខ្សោយបំផុត ក្នុងរយៈពេលពីរទសវត្សរ៍កន្លងមកនេះ។

អាមេរិក​បាន​បង្ក​ជម្លោះ​រវាង​រុស្ស៊ី និង​អ៊ុយក្រែន ប៉ុន្តែបែរជាងាកទៅ​បង្កើត​គម្លាត​រវាង​ក្រុង​វ៉ាស៊ីនតោន និង​សម្ព័ន្ធមិត្ត​អឺរ៉ុបទៅវិញដោយការ មើលឃើញអាមេរិកឡាទីនជា ផ្លូវខាងក្រោយរបស់ខ្លួនទាំង ដែលបានដឹងហើយថានឹងមានការ ប្រឆាំងអាមេរិកជាច្រើនដែរកំពុងបន្តឡើង កាន់អំណាចនៅក្នុងតំបន់នោះក្តី៕

ប្រែសម្រួល៖ ស៊ុន លី


Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
To Top