បរទេស៖ ប្រធានាធិបតីបារាំងលោក Emmanuel Macron បានរំលឹកឡើងវិញនូវការអំពាវនាវរបស់លោក ឱ្យទីក្រុងប៉េកាំងធ្វើជា អ្នកសម្រុះសម្រួលក្នុងជម្លោះអ៊ុយក្រែន ក្នុងអំឡុងពេលកិច្ចប្រជុំជាមួយសមភាគីចិនលោក Xi Jinping ។ ដំណើរទស្សនកិច្ចរបស់លោកទៅកាន់ប្រទេសចិន ធ្វើឡើងបន្ទាប់ពីជំនួបរវាងលោក Xi និងលោកប្រធានាធិបតីរុស្ស៊ី Vladimir Putin ក្នុងទីក្រុងម៉ូស្គូ។
យោងតាមសារព័ត៌មាន RT ចេញផ្សាយនៅថ្ងៃទី៦ ខែមេសា ឆ្នាំ២០២៣ បានឱ្យដឹងថា មេដឹកនាំបារាំងបានប្រាប់ម្ចាស់ ផ្ទះមុនកិច្ចពិភាក្សា របស់ពួកគេនៅឯមហាសាលប្រជាជនក្នុងទីក្រុងប៉េកាំងថា “ខ្ញុំដឹងថា ខ្ញុំអាចពឹងផ្អែកលើអ្នកក្នុង ការនាំប្រទេសរុស្ស៊ី ឱ្យយល់ឃើញរបស់ខ្លួន និងមនុស្សគ្រប់គ្នាទៅកាន់តុចរចា” ។
រដ្ឋាភិបាលចិនបានរិះគន់ការសម្រេចចិត្តរបស់ ទីក្រុងមូស្គូក្នុងការ បញ្ជូនកងទ័ពចូលទៅក្នុងអ៊ុយក្រែនកាលពីខែកុម្ភៈ ឆ្នាំមុន ប៉ុន្តែបានយល់ព្រមជាមួយនឹង អំណះអំណាងរបស់ខ្លួនថាការពង្រីករបស់ អង្គការណាតូនៅអឺរ៉ុប និងការបដិសេធមិនគោរព បន្ទាត់ក្រហមរបស់រុស្ស៊ី គឺជាស្នូលនៃការប្រឈមមុខដាក់គ្នា។ លោក Xi បានជំរុញឱ្យ រុស្ស៊ី និងអ៊ុយក្រែនចរចា ផងដែរ។
មេដឹកនាំបារាំងក៏បានស្នើឱ្យប្រធានាធិបតីចិន ដាក់សម្ពាធលើរុស្ស៊ី លើអ្វីដែលគាត់យល់ថាជាការប្រមាថចំពោះច្បាប់មិន រីកសាយភាយនុយក្លេអ៊ែរ។
ទីក្រុងមូស្គូបានប្រកាសពីចេតនារបស់ខ្លួនក្នុងការរក្សា ទុកអាវុធនុយក្លេអ៊ែរ របស់កងទ័ពជើងទឹកមួយចំនួននៅក្នុង ប្រទេសបេឡារុស្ស ដោយលើកហេតុផលថា វាមិនខុសពីការដាក់ពង្រាយ អាវុធនុយក្លេអ៊ែររបស់ទីក្រុងវ៉ាស៊ីនតោន នៅក្នុងប្រទេសផ្សេងទៀត រួមមានបែលហ្ស៊ិក អាល្លឺម៉ង់ អ៊ីតាលី ហូឡង់ និងតួកគី ។
លោក Xi បាននិយាយថា ប្រទេសទាំងអស់គួរតែគោរពការប្តេជ្ញាចិត្តមិនប្រើប្រាស់អាវុធនុយក្លេអ៊ែរ និងបានជំរុញ សហគមន៍អន្តរជាតិឱ្យ “ជៀសវាងសកម្មភាពណាមួយដែលនឹងនាំទៅ រកការកាន់តែយ៉ាប់យ៉ឺននៃវិបត្តិ ឬសូម្បីតែវាចេញពីការគ្រប់គ្រង” ៕
ប្រែសម្រួលៈ ណៃ តុលា
