បរទេស៖ ការប្រមូលផ្តុំដ៏ធំនៃប្រជាជននៅក្នុងប្រទេសអ៊ីរ៉ាក់ និងប្រទេសចំនួន ១២ ផ្សេងទៀតដែលភាគច្រើនជាមូស្លីម គឺមានការសង្ស័យចំពោះការប្តេជ្ញាចិត្ត របស់សហរដ្ឋអាមេរិក ចំពោះការកសាងលទ្ធិប្រជាធិបតេយ្យ, នេះបើយោងតាមការរកឃើញ នៃការស្ទង់មតិរបស់ Gallup ។
យោងតាមសារព័ត៌មាន RT ចេញផ្សាយនៅថ្ងៃទី៨ ខែមេសា ឆ្នាំ២០២៣ បានឱ្យដឹងថា Gallup គឺជាក្រុមហ៊ុនវិភាគ និងប្រឹក្សារបស់អាមេរិកដែលមាន មូលដ្ឋាននៅទីក្រុងវ៉ាស៊ីនតោនឌីស៊ី បង្កើតឡើងដោយលោក George Gallup ក្នុងឆ្នាំ ១៩៣៥ ក្រុមហ៊ុននេះត្រូវបានគេស្គាល់ សម្រាប់ការស្ទង់មតិសាធារណៈរបស់ខ្លួន ដែលបានធ្វើឡើងនៅទូទាំងពិភពលោក។
ការស្ទង់មតិដែលត្រូវបានចេញផ្សាយដោយ Gallup កាលពីថ្ងៃសុក្រក៏បានបង្ហាញផងដែរថា មនុស្សភាគច្រើននៅក្នុងប្រទេសទាំងនោះ មានការសង្ស័យលើការប្តេជ្ញាចិត្ត របស់ទីក្រុងវ៉ាស៊ីនតោនសម្រាប់ពួកគេ ក្នុងការបង្កើតអនាគតនយោបាយ របស់ពួកគេដោយមិនមានការត្រួតពិនិត្យ កម្រិតខ្លះនៃលទ្ធិប្រជាធិបតេយ្យ ពីសហរដ្ឋអាមេរិក។
ការស្ទង់មតិនេះត្រូវបានចេញផ្សាយនៅជុំវិញខួប ២០ ឆ្នាំនៃប្រតិបត្តិការសេរីភាពអ៊ីរ៉ាក់។ យុទ្ធនាការដឹកនាំដោយសហរដ្ឋអាមេរិក ដើម្បីផ្តួលរំលំសាដាម ហ៊ូសេន ចេញពីអំណាច ដែលបានចាប់ផ្តើមនៅឆ្នាំ ២០០៣។
រដ្ឋបាលរបស់ប្រធានាធិបតី ចច ដាប់ប៊ល យូប៊ូស បានចាប់ផ្តើមប្រតិបត្តិការលើការអះអាងមិនពិតថា សាដាម កំពុងអភិវឌ្ឍអាវុធប្រល័យលោក ដែលអាចមានសក្តានុពលប្រើប្រាស់ ប្រឆាំងនឹងសហរដ្ឋអាមេរិក និងសម្ព័ន្ធមិត្តរបស់ខ្លួន។ ការអះអាងនេះ ជាទូទៅត្រូវបានចាត់ទុកថា ស្ថិតក្នុងចំណោមកំហុសនយោបាយការបរទេស ដ៏អាក្រក់បំផុតក្នុងប្រវត្តិសាស្ត្រអាមេរិក ។
បើយោងតាមការស្ទង់មតិ គឺរយៈពេលពីរទសវត្សរ៍ក្រោយមក ប្រជាជនអ៊ីរ៉ាក់ជាងមួយភាគបួនជឿថា សហរដ្ឋអាមេរិកបានប្តេជ្ញាចិត្ត ចំពោះសំណើរបស់ខ្លួនក្នុងការបង្កើត លទ្ធិប្រជាធិបតេយ្យនៅក្នុងប្រទេសនេះ តែផ្ទុយទៅវិញ ប្រជាជនប្រមាណ ៧២ភាគរយ និយាយថា ពួកគេមិនយល់ស្របថា សហរដ្ឋអាមេរិក “ពិតជា” ចង់លើកទឹកចិត្តឱ្យមានការបោះឆ្នោតបើកចំហ និងសេរីនៅក្នុងប្រទេស មែននោះទេ ៕
ប្រែសម្រួលៈ ណៃ តុលា
