ប៉េកាំង៖ ខណៈពេលដែលសមាជិកសភាអឺរ៉ុប (MEPs) បានចូលរួមក្នុងការជជែកដេញដោលគ្នា យ៉ាងក្តៅគគុកអំពីរបៀប ដែលអឺរ៉ុប គួរតែមើល និងចូលរួមជាមួយចិន កាលពីថ្ងៃអង្គារ ប្រធានគណៈកម្មការអឺរ៉ុបលោកស្រី Ursula von der Leyen បានជំរុញឱ្យប្លុកនេះឆ្លាក់វិធីសាស្រ្តអឺរ៉ុប ដាច់ដោយឡែកពីគ្នា និងបង្ហាញពីការរួបរួមដោយ អំពាវនាវការផ្តាច់ខ្លួនជាមួយចិន មិនអាចសម្រេចបាន។
អ្នកជំនាញជឿថា សហភាពអឺរ៉ុបឥឡូវនេះកំពុងស្ថិត ក្រោមការកែសម្រួលមួយ ដើម្បីស្វែងរកលំនឹងលើ គោលនយោបាយចិនរបស់ខ្លួន ប៉ុន្តែវាមិនទំនងឃើញការរួបរួមមួយ ដោយសារតែការបែកបាក់ផ្ទៃក្នុង និងកត្តាខាងក្រៅដូចជាសង្រ្គាមអ៊ុយក្រែន និងឥទ្ធិពលរបស់សហរដ្ឋអាមេរិក។
ទោះជាយ៉ាងណាក៏ដោយ ការធ្វើដំណើរនាពេលថ្មីៗនេះ របស់មេដឹកនាំអឺរ៉ុប រួមទាំងលោកស្រី von der Leyen និងប្រធានាធិបតីបារាំងលោក អេម៉ាក្រុង ទៅកាន់ប្រទេសចិន គឺមានប្រយោជន៍សម្រាប់ការបន្ថយ សំឡេងប្រឆាំងចិនយ៉ាងខ្លាំង ជាពិសេសបន្ទាប់ពីការអំពាវនាវរបស់លោក ម៉ាក្រុង ឱ្យអឺរ៉ុបមានស្វ័យភាពជាយុទ្ធសាស្ត្រ និងការកត់សម្គាល់របស់លោក ចំពោះសំណួរតៃវ៉ាន់នាំឱ្យ អ្នកជំនាញបានលើកឡើងថា ការជជែកពិភាក្សាទូទៅ និងការឆ្លុះបញ្ចាំង ដែលលើកទឹកចិត្តសមាជិកសភា បន្ថែមទៀតឲ្យនិយាយចេញ។
នៅក្នុងសុន្ទរកថា របស់លោកស្រីនៅឯកិច្ចប្រជុំ ពេញអង្គសភាអឺរ៉ុប លោកស្រី von der Leyen បានធ្វើបទបង្ហាញជាលើកដំបូង អំពីការធ្វើដំណើរទៅកាន់ប្រទេសចិន ហើយបានលើកឡើងថា ស្ថានភាពអន្តរជាតិ និងសេដ្ឋកិច្ចរបស់ប្រទេសចិន បន្ថែមពីលើផលប្រយោជន៍ ផ្ទាល់ខ្លួនរបស់សហភាពអឺរ៉ុប ធ្វើឱ្យវាកាន់តែមានសារៈសំខាន់ សម្រាប់អឺរ៉ុបក្នុងការគ្រប់គ្រងរបស់ខ្លួន និងទំនាក់ទំនងជាមួយចិន ហើយនេះក៏បង្ហាញផងដែរថា ការកាត់ផ្តាច់គឺច្បាស់ណាស់មិនអាចទៅរួច ចង់បាន ឬសូម្បីតែជាក់ស្តែងសម្រាប់អឺរ៉ុប។
លោកស្រីក៏បានគូសបញ្ជាក់អំពី តម្រូវការសម្រាប់សហភាពអឺរ៉ុប ដើម្បីឆ្លាក់វិធីសាស្រ្តអ៊ឺរ៉ុប ដាច់ដោយឡែករបស់យើង ចំពោះប្រទេសចិន ដែលត្រូវបានបន្ទរដោយតំណាងជាន់ខ្ពស់ របស់សហភាពអឺរ៉ុបលោក Josep Borrell ដែលបានអំពាវនាវឱ្យមានវិធីសាស្រ្តរួបរួម សហភាពអឺរ៉ុបចំពោះប្រទេសចិន ក្នុងអំឡុងពេលជជែកពិភាក្សាកាលពីថ្ងៃអង្គារ។
លោក Cui Hongjian ប្រធាននាយកដ្ឋានអឺរ៉ុប បានលើកឡើងថា “លោកស្រី Von der Leyen បានផ្ញើសារថា អឺរ៉ុប ចាំបាច់ត្រូវស្វែងរកតុល្យភាព លើវិធីសាស្រ្តចិនរបស់ខ្លួន ដោយកំណត់ព្រំដែនមួយចំនួន សម្រាប់ទំនាក់ទំនង អឺរ៉ុប-ចិន ដូចជាការមិនផ្តាច់ទំនាក់ទំនង និងការបញ្ចេញសំឡេងជ្រុលនិយម” ៕
ប្រែសម្រួល ឈូក បូរ៉ា
