បរទេស ៖ រដ្ឋមន្ត្រីការបរទេសចិន លោក Qin Gang កាលពីថ្ងៃសុក្រម្សិលមិញនេះ បានលើកឡើងថាច្រកទាំងពីរ នៃសមុទ្រកោះតៃវ៉ាន់ គឺសុទ្ធតែជាកម្មសិទ្ធ របស់ប្រទេសចិន ទាំងអស់ហើយដូច្នេះចិនមានសិទ្ធ ក្នុងការរក្សាអធិបតេយ្យភាព របស់ខ្លួននៅទីនោះ។
សេចក្តីថ្លែងការណ៍ របស់លោក Qin បានធ្វើឡើងនៅក្នុងអំឡុងពេលនៃវេទិកា Lanting នៅក្នុង ទីក្រុងសៀងហៃ ដែលលោកក៏បានពិភាក្សា ទៅលើបញ្ហានិងប្រធានបទ ជាច្រើនចាប់តាំងពីបំណុលរហូតដល់បញ្ហា សេដ្ឋកិច្ចសកល និងបញ្ហាកោះតៃវ៉ាន់។
លោកបានបន្តទៀតថា ៖ ថ្មីៗនេះ មានវោហាសាស្ត្រមិនទំនងជាច្រើន ដែលបានធ្វើការចោទប្រកាន់មកលើប្រទេសចិនថា បានដំឡើងឋានៈរបស់ខ្លួន និងកំពុង ធ្វើឱ្យរំខានដល់សន្តិភាព និងស្ថិរភាពនៅទូទាំងច្រកសមុទ្រ តៃវ៉ាន់នោះ។
គួរឲ្យដឹងដែរថាថ្មីៗនេះ ប្រទេសចិនបានបើកធ្វើការសមយុទ្ធយោធា នៅជុំវិញកោះតៃវ៉ាន់ ក្រោយប្រធានាធិបតីកោះតៃវ៉ាន់ Tsai Ing-wen ទៅកាន់សហរដ្ឋអាមេរិក និងជួបជាមួយនឹងមន្ត្រីជាន់ខ្ពស់ជាច្រើនរូបផងដែរ ៕
ប្រែសម្រួល៖ស៊ុនលី
