បរទេស៖ប្រធានាធិបតីអាមេរិកលោក Joe Biden កាលពីថ្ងៃពុធបានធ្វើការប្រកាសព្រមាន ខ្លាំងៗថាប្រសិន បើកូរ៉េខាងជើង ហ៊ានបើកការវាយប្រហារណាមួយមកលើសហរដ្ឋអាមេរិក ឬកូរ៉េខាងត្បូងនោះ វានឹងក្លាយទៅជាផលវិនាសដ៏អាក្រក មួយជាមិនខានសម្រាប់ខ្លួនឯង។
យោងតាមការចេញផ្សាយរបស់ RT បានឲ្យដឹងថាការប្រកាសនេះបានធ្វើឡើងនៅក្រោយជំនួប រវាងមេដឹកនាំអាមេរិក និងកូរ៉េខាងត្បូង ដោយភាគីទាំងពីរបានឈាន ទៅដល់ការចុះកិច្ចព្រមព្រៀងគ្នាទៅលើការត្រៀម ខ្លួនជាមុនចំពោះមុខ ការវាយ ប្រហារណាមួយដោយកូរ៉េខាងជើងហើយបញ្ជាក់ថាអាមេរិក នឹងធ្វើការឆ្លើយតបជាមួយនឹងការប្រើប្រាស់ អាវុធនុយក្លេអ៊ែរថែមទៀតផងក្នុងករណីចាំបាច់។
លោក Biden បានពោលបែបនេះថា៖ការវាយប្រហារដោយនុយក្លេអ៊ែរណាមួយពីសំណាក់កូរ៉េខាងជើងប្រឆាំងសហរដ្ឋអាមេរិកឬសម្ព័ន្ធមិត្តរបស់ខ្លួនកូរ៉េខាងត្បូងនោះគឺជារឿងដែលមិនអាចទទួលយកបានជាដាច់ខាតហើយវានឹងផ្តល់លទ្ធផលគឺជាការបញ្ចប់ទៅនៃរបបដឹកនាំប្រទេសដោយលោក Kim ជាមិនខាន។
គួរឲ្យដឹងដែរថាក្នុងពេលដែលកំពុងមានជំនួបរវាងគ្នានេះផងដែរសហរដ្ឋអាមេរិកបានប្រកាសបញ្ជូននាវាមុជទឹកបំពាក់អាវុធនុយក្លេអ៊ែរជាច្រើនគ្រឿងទៅកាន់ប្រទេសកូរ៉េខាងត្បូងរួចរាល់ហើយ៕
ប្រែសម្រួល៖ស៊ុនលី
https://www.rt.com/news/575394-biden-north-korea-nuclear/
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
