បរទេស៖ រដ្ឋមន្ត្រីការបរទេសនៃប្រទេសចិនលោក Qin Gang បានធ្វើការបានថ្កោលទោសបេសកជន របស់សហរដ្ឋអាមេរិក ប្រចាំទីក្រុងប៉េកាំង ចំពោះអ្វីដែលលោកយល់ថា ជាការគាំទ្ររបស់ក្រុងវ៉ាស៊ីនតោន ចំពោះតៃវ៉ាន់។
ក្នុងពេលជាមួយគ្នានេះផងដែរលោកក៏បាននិយាយដែរថា ប្រទេសរបស់លោកនឹងមិនយល់ព្រមក្នុងការ ពង្រឹងបណ្តាញ ទំនាក់ទំនងរវាងទីក្រុងវ៉ាស៊ីនតោន និងទីក្រុងប៉េកាំងឡើយហើយនឹងមិនទទួល បានសម្បទាននយោបាយ ណាមួយពីសេតវិមានជាមុនដា់ខាត។
យោងតាមការចេញផ្សាយរបស់ RT លោករដ្ឋមន្ត្រីបានបន្តទៀតថា៖សហរដ្ឋអាមេរិក មិនគួរនិយាយអំពីការប្រាស្រ័យ ទាក់ទងគ្នានោះទេ ខណៈពេលដែលកំពុងបន្តគាបសង្កត់ និងទប់ស្កាត់ដំណោះស្រាយរបស់ប្រទេសចិន នោះហើយអាមេរិក គួរគោរពបន្ទាត់ព្រំដែនរបស់ចិន និងបន្ទាត់ខ្សែក្រហមផងព្រមទាំងបញ្ឈប់រាល់ការព្យាយាម ធ្វើការបំផ្លាញដែន អធិបតេយ្យ ភាពសន្តិសុខនិងការវិវត្តទៅនៃអត្ថប្រយោជន៍របស់ចិន។
គួរឲ្យដឹងដែរថាភាពតានតឹងបានកើនឡើងរវាងអាមេរិក និងចិនក្នុងរយៈពេលប៉ុន្មានខែថ្មីៗនេះ ដោយសារជំហររៀងៗខ្លួនរបស់ប្រទេសទាំងពីរទាក់ទងនឹងបញ្ហាកោះតៃវ៉ាន់ហើយដែលរដ្ឋាភិបាលទីក្រុងប៉េកាំង តែងតែបញ្ជាក់ប្រាប់ថាខ្លួន នៅតែចាត់ទុកកោះនេះគឺជាទឹកដីអធិបតេយ្យភាពរបស់ខ្លួនជានិច្ចមិនអាចបាត់បង់ឡើយ៕
ប្រែសម្រួល៖ស៊ុនលី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
