បាងកក៖ គណបក្សនយោបាយរបស់ប្រទេសថៃបានធ្វើការជួបជុំគ្នាយ៉ាងធំកាលពីថ្ងៃសុក្រ ក្នុងកិច្ចខិតខំប្រឹងប្រែងចុងក្រោយ ដើម្បីទាក់ទាញអ្នកបោះឆ្នោតមុនការបោះឆ្នោតសកល នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
ព្រឹត្តិការណ៍យុទ្ធនាការសំខាន់ៗត្រូវបានរៀបចំឡើងនៅក្នុងរដ្ឋធានីបាងកក ដែលអនុញ្ញាតឱ្យមេដឹកនាំគណបក្សធ្វើការអះអាងឡើងវិញនូវការសន្យានៃយុទ្ធនាការរៀងៗខ្លួន មុនពេលអ្នកបោះឆ្នោតទៅកាន់ការិយាល័យបោះឆ្នោតនៅថ្ងៃអាទិត្យ។
នាយករដ្ឋមន្ត្រីលោក ប្រាយុទ្ធ ចាន់អូឆា ដែលកំពុងស្វែងរកការបោះឆ្នោតឡើងវិញជាបេក្ខជននៃគណបក្ស Ruam Thai Sang Chart Party ឬហៅមួយទៀតថា (United Thai Nation Party) ដែលទើបបង្កើតថ្មីបានចូលរួមជាមួយអ្នកគាំទ្រនៅមជ្ឈមណ្ឌលសន្និបាតធំមួយក្នុងទីក្រុងបាងកក ដោយអំពាវនាវឱ្យមានការគាំទ្រឱ្យលោកបន្តធ្វើជានាយករដ្ឋមន្ត្រី។
គណបក្សភឿថៃ ដែលជាគណបក្សប្រឆាំងដ៏សំខាន់ ដែលបាននិងកំពុងនាំមុខក្នុងការស្ទង់មតិក្នុងដំណើរការបោះឆ្នោត បានរៀបចំការជួបជុំរបស់ខ្លួនក្រោមប្រធានបទ ដែលសុំឱ្យអ្នកគាំទ្ររបស់ខ្លួនផ្តល់ជ័យជម្នះភ្លូកទឹកភ្លូកដី ដើម្បីផ្លាស់ប្តូរប្រទេសអាស៊ីអាគ្នេយ៍។
ទន្ទឹមនឹងនេះ អ្នកគាំទ្របានប្រមូលផ្តុំពហុកីឡដ្ឋានមួយ សម្រាប់ការប្រមូលផ្តុំគ្នា ដែលរៀបចំឡើងដោយគណបក្សប្រឆាំង ដែលកំពុងទទួលបានការចាប់អារម្មណ៍នាពេលថ្មីៗនេះ ហួសពីមូលដ្ឋានគាំទ្ររបស់ខ្លួននៃអ្នកបោះឆ្នោតវ័យក្មេង។
នៅក្រោមប្រព័ន្ធសន្លឹកឆ្នោតពីរជាមួយនឹងការបោះឆ្នោតមួយសម្រាប់សមាជិកមណ្ឌលបោះឆ្នោតចំនួន ៤០០នាក់នៃសភា (សមាជិកសភា) និងមួយទៀត សម្រាប់គណបក្សដែលខ្លួនពេញចិត្តប្រកួតប្រជែង សម្រាប់សមាជិកសភាក្នុងបញ្ជីគណបក្សចំនួន ១០០ អ្នកបោះឆ្នោតនឹងជ្រើសរើសសមាជិកសរុបចំនួន ៥០០នាក់ទៅកាន់សភាតំណាងរាស្រ្ត ឬទាបជាងនេះ៕
ប្រែសម្រួល ឈូក បូរ៉ា
