ការស្ទង់មតិ ដែលធ្វើឡើងដោយយោធា និងប៉ូលីសថៃ គឺគណបក្សភឿថៃ នឹងឈ្នះក្នុងការបោះឆ្នោត

បរទេស៖ ការស្ទង់មតិដែលធ្វើឡើង ដោយភ្នាក់ងារយោធា និងប៉ូលីសរបស់ថៃ បានព្យាករណ៍ថា គណបក្សភឿថៃនឹងឈ្នះការបោះឆ្នោតសកលនេះ បើយោងតាមប្រភពពីទីភ្នាក់ងារនានា។ មិនមានព័ត៌មានអំពីចំនួន អ្នកបោះឆ្នោត ដែលត្រូវបានស្ទង់មតិ ត្រូវបានផ្តល់ជូនសម្រាប់ការស្ទង់មតិ ទាំងពីរនោះទេ ហើយក៏ មិនមានព័ត៌មានអំពីវិធីសាស្រ្ត របស់ពួកគេត្រូវបានផ្តល់ ឱ្យនោះដែរ។

យោងតាមសារព័ត៌មាន The Nation ចេញផ្សាយនៅថ្ងៃទី១៤ ខែឧសភា ឆ្នាំ២០២៣ បានឱ្យដឹងថា គណបក្សភឿថៃនឹងឈ្នះបាន ១៩០អាសនៈក្នុងសភា ខណៈដែលគណបក្ស Bhumjaithai នឹងឈរនៅលំដាប់ទីពីរដោយមាន ៧០ អាសនៈ ដែលជាការស្ទង់មតិចាកចេញដែលធ្វើឡើងដោយទីភ្នាក់ងារស៊ើបការណ៍យោធាបានព្យាករណ៍។

យោងតាមការស្ទង់មតិបានឱ្យដឹងថា គណបក្ស United Nation Party របស់នាយករដ្ឋមន្ត្រីជិតផុតអាណត្តិ លោកឧត្តមសេនីយ៍ ប្រាយុទ្ធ ចាន់អូចា នឹងទទួលបាន ៦៥ អាសនៈ ខណៈដែលគណបក្ស Palang Pracharath របស់ឧបនាយករដ្ឋមន្ត្រី Prawit Wongsuwan នឹងទទួលបាន ៦០អាសនៈ។

តាមការព្យាករណ៍ការស្ទង់មតិ, គណបក្សប្រជាធិបតេយ្យនឹងឈ្នះ ៦០ អាសនៈ ហើយគណបក្សឆ្ពោះទៅមុខ នឹងឈ្នះ ៤០ ។

ការស្ទង់មតិដែលធ្វើឡើងដោយប៉ូលីសសាខាពិសេសបានព្យាករណ៍ថា គណបក្សភឿថៃនឹងឈ្នះ ២២៦អាសនៈ ហើយគណបក្ស Bhumjaithai នឹងឈ្នះ ៧៧អាសនៈ។

យោងតាមការស្ទង់មតិបានឱ្យដឹងទៀតថា ពួកគេនឹងត្រូវបានតាមពីក្រោយដោយគណបក្ស Palang Pracharath (៥៦អាសនៈ) គណបក្សប្រជាធិបតេយ្យ (៤៧ អាសនៈ) គណបក្ស United Nation (៤១អាសនៈ) និង គណបក្ស ឆ្ពោះទៅមុខ ឬ Move Forward (២៣អាសនៈ) នេះបើយោងតាមការស្ទង់មតិ៕

ប្រែសម្រួលៈ ណៃ តុលា