បរទេស៖ ឧបនាយករដ្ឋមន្ត្រីចាំផ្ទះរបស់ថៃ លោក Wissanu Krea-ngam បាននិយាយនៅថ្ងៃអង្គារថា ការចរចាប្រកបដោយសុជីវធម៌ និងសប្បុរសគឺចាំបាច់សម្រាប់ការបង្កើតរដ្ឋាភិបាលថ្មីប្រកបដោយជោគជ័យ មិនមែនជាការជួញដូរដែលនាំឱ្យមានភាពអាម៉ាស់នោះទេ។
យោងតាមសារព័ត៌មានថៃ Bangkok Post ចេញផ្សាយនៅរសៀលថ្ងៃទី១៦ ខែឧសភា ឆ្នាំ២០២៣ បានឱ្យដឹងថា លោក Wissanu Krea-ngam បាននិយាយមុននឹងចូលទៅក្នុងកិច្ចប្រជុំគណៈរដ្ឋមន្ត្រីចាំផ្ទះ នៅថ្ងៃអង្គារ ដែលជាកិច្ចប្រជុំលើកដំបូងចាប់តាំងពីការបោះឆ្នោតសកលកាលពីថ្ងៃទី ១៤ ខែឧសភា ដែលក្នុងនោះមានរដ្ឋមន្ត្រី ១៣ នាក់អវត្តមាន។
លោក Wissanu បាននិយាយថា រដ្ឋាភិបាលចម្រុះថ្មីមួយ អាចត្រូវបានបង្កើតឡើង លុះត្រាតែអ្នកទាំងនោះ បានចាប់ផ្តើមពាក់ព័ន្ធនឹងការជួញដូរ ដែលនាំឱ្យមានភាពអាម៉ាស់ ហើយមិនអាចឈានដល់កិច្ចព្រមព្រៀង។
លោកបានបន្តថា «ការបង្កើតរដ្ឋាភិបាលថ្មីឥឡូវនេះជាបន្ទុករបស់គណបក្ស Move Forward ដែលទទួលបានអាសនៈសភាច្រើនជាងគេ»។ លោកបន្ថែមថា សមាជិកព្រឹទ្ធសភាចំនួន ២៥០រូប ក៏មានសិទ្ធិបោះឆ្នោត ជ្រើសរើសនាយករដ្ឋមន្ត្រីថ្មីផងដែរ ហើយពួកគេមានទស្សនៈខុសគ្នា ប៉ុន្តែរឿងនេះគួរតែអាចចរចាបាន ៕
