បរទេស៖ គណបក្ស Move Forward បានចេញលិខិតសុំទោសដល់អ្នកគាំទ្ររបស់ខ្លួនចំពោះការពិចារណា ទៅលើ គណបក្ស Chart Pattana Kla ជាសមាជិកនៃសម្ព័ន្ធភាពរបស់ខ្លួន។ អាសនៈចំនួន២ ពីគណបក្ស Chart Pattana Kla នឹងនាំមេដឹកនាំបក្ស Move Forward លោក Pita Limjaroenrat កាន់តែកៀកបន្តិច ក្នុងការក្លាយជានាយករដ្ឋមន្ត្រីថ្មីរបស់ប្រទេសថៃ។
យោងតាមសារព័ត៌មាន The Nation ចេញផ្សាយនៅថ្ងៃទី២០ ខែឧសភា ឆ្នាំ២០២៣ បានឱ្យដឹងថា ទោះជាយ៉ាងណាក៏ដោយ អ្នកគាំទ្រគណបក្ស Move Forward បានរិះគន់ជំហរនេះ ដោយសារតែគណបក្ស Chart Pattana Kla គឺជាផ្នែកនៃក្រុមចម្រុះដែលកំពុងដំណើរការ។
នាយកប្រតិបត្តិកំពូលរបស់គណបក្សនេះ ដូចជាបេក្ខជននាយករដ្ឋមន្ត្រី Korn Chatikavanij និង Attawit Suwanpakdee ក៏ត្រូវបានគេជឿថា ជាអ្នកគាំទ្រនាយករដ្ឋមន្ត្រីដែលផុតអាណត្តិលោក ប្រាយុទ្ធ ចាន់អូចា ផងដែរ។
គណបក្ស Move Forward បានឆ្លើយតបទៅនឹងការរិះគន់នេះជាមួយនឹង tweet ខាងក្រោមកាលពីថ្ងៃសុក្រថា “ការចរចារបស់គណបក្សជាមួយគណបក្ស Chart Pattana Kla ដើម្បីចូលរួមជាមួយរដ្ឋាភិបាលចម្រុះត្រូវបានរិះគន់យ៉ាងទូលំទូលាយពីប្រជាជន ក៏ដូចជាមន្ត្រី និងសមាជិកគណបក្ស Move Forward ។
ពួកគេភាគច្រើនយល់ស្របថា ការដែលមាន គណបក្ស Chart Pattana Kla នៅក្នុងសម្ព័ន្ធ គឺមិនអាចទទួលយកបានទេ។
សេចក្តីថ្លែងការណ៍របស់ Move Forward បន្តថា “ដូច្នេះ គណៈកម្មាធិការប្រតិបត្តិរបស់គណបក្សបានសម្រេចអនុម័តសេចក្តីសម្រេចចិត្តភាគច្រើន ហើយមិនរាប់បញ្ចូលគណបក្ស Chart Pattana Kla នៅក្នុងរដ្ឋាភិបាលចម្រុះនោះទេ។
យើងនឹងបន្តការចរចា និងកសាងការយោគយល់គ្នាជាមួយព្រឹទ្ធសភា ដើម្បីទទួលបានការគាំទ្ររបស់ពួកគេក្នុងការបោះឆ្នោត ជ្រើសរើសនាយករដ្ឋមន្ត្រី និងបង្កើតរដ្ឋាភិបាលឱ្យបានឆាប់តាមដែលអាចធ្វើទៅបាន… យើងក៏សូមអភ័យទោសចំពោះ គណបក្ស Chart Pattana Kla សម្រាប់ការបញ្ចប់ការចរចានេះ»។
កាលពីសប្តាហ៍មុន គណបក្ស Move Forward បាននិយាយទៅកាន់គណបក្សជាច្រើនដើម្បីបង្កើតរដ្ឋាភិបាលចម្រុះបន្ទាប់។
រហូតមកដល់ពេលនេះ មានគណបក្សចំនួនប្រាំបីបានយល់ព្រមចូលរួម និងគាំទ្រលោក Pita ជានាយករដ្ឋមន្ត្រីបន្ទាប់។
ក្រុមចម្រុះនេះនឹងមានកម្លាំងរួមបញ្ចូលគ្នាចំនួន ៣១៤ អាសនៈនៅក្នុងសភាតំណាងដែលមាន ៥០០ អាសនៈ។
គណបក្សទាំងប្រាំបី រួមមាន បក្សភឿថៃ, គណបក្ស ថៃសាងថៃ, គណបក្ស សេរីថៃ, គណបក្ស ប្រាចាឆាត, គណបក្ស យុត្តិធម៌, គណបក្ស ផ្លុង ស៊ុងកុមម៉ៃ , គណបក្ស ភឿថៃ រៀមផាឡាំង និងថ្មី ។
លោក Pita នឹងត្រូវការការសំឡេងឆ្នោតរួមគ្នាយ៉ាងហោចណាស់ ៣៧៦ ពីសភាតំណាងរាស្រ្ត ៥០០ អាសនៈ និងព្រឹទ្ធសភាដែលមាន ២៥០ អាសនៈ ដើម្បីគាំទ្រគាត់ជានាយករដ្ឋមន្ត្រីបន្ទាប់របស់ថៃ៕ ប្រែសម្រួលៈ ណៃ តុលា
