ប៉េកាំង៖ ក្រុមប្រទេសទាំង៧ (G7) បានបញ្ចប់ការជួបជុំ រយៈពេល ៣ថ្ងៃរបស់ខ្លួនកាលពីថ្ងៃអាទិត្យនៅទីក្រុងហ៊ីរ៉ូស៊ីម៉ា ខណៈដែលហ្វូងបាតុករ បានដើរតាមផ្លូវប្រឆាំងនឹងជំហាន ចុងក្រោយរបស់ប្លុក ដែលដឹកនាំដោយសហរដ្ឋអាមេរិក ដើម្បីធ្វើឱ្យខូចសន្តិភាពពិភពលោក។
អ្នកវិភាគបានឲ្យដឹងថា ការត្រួតត្រាទាំងស្រុង របស់សហរដ្ឋអាមេរិក គ្រាន់តែបង្កើតការបង្ក្រាប កាន់តែជ្រៅក្នុងចំណោមក្រុម និងលើសពីនេះ។ ការរួបរួម និងការមូលមតិគ្នាមានភាព ស្ទាក់ស្ទើរក្នុងអំឡុងកិច្ចប្រជុំកំពូល G7 ដែលធ្វើឡើងនៅទីក្រុងភាគខាងលិចប្រទេសជប៉ុន។
កិច្ចប្រជុំកំពូលបានគ្របដណ្តប់លើប្រធាន បទជាច្រើន ប៉ុន្តែជាអកុសលបានបញ្ចប់ដោយផ្តោតលើការជ្រៀតជ្រែក ចូលកិច្ចការផ្ទៃក្នុងរបស់ប្រទេសផ្សេងៗ និងការរារាំងដល់ការ អភិវឌ្ឍន៍របស់ពួកគេ ។
សេចក្តីថ្លែងការណ៍របស់មេដឹកនាំ G7 នៅទីក្រុងហ៊ីរ៉ូស៊ីម៉ា ដែលត្រូវបានប្រញាប់ប្រញាល់ចេញកាលពីថ្ងៃសៅរ៍ បានជះឥទ្ធិពលជាច្រើនមកលើប្រទេសចិន ដោយពណ៌នាប្រទេសនេះថា ជាអ្នកបង្កើតបញ្ហាដោយគ្មានការធានាបានត្រឹម តែឈប់ដាក់ឈ្មោះវាដោយផ្ទាល់ប៉ុណ្ណោះ។
អ្នកប្រាជ្ញជប៉ុនលោក Kazuteru Saionji យល់ឃើញថា វាមិនសមហេតុផលនោះទេ ក្នុងការទាមទារឱ្យចិន លេងតាមច្បាប់អន្តរជាតិ ខណៈដែលសហរដ្ឋអាមេរិក និងដៃគូ G7 មួយចំនួន គឺជាអ្នកបំពានច្បាប់ ដ៏សំខាន់នៅលើឆាកពិភពលោក។ លោកបានប្រាប់កាសែតស៊ិនហួ ថា “តាមគំនិតរបស់ខ្ញុំ វាជាការប្រសើរក្នុងការប្រគល់ ពាក្យដូចគ្នាទៅនឹង G7” ។
សាស្ត្រាចារ្យនៅ សាកលវិទ្យាល័យអន្តរជាតិ Higashi Nippon បានលើកឡើងថា “វាគឺជាសហរដ្ឋអាមេរិក និងប្រទេស G7 ដែលគួរតែប្រកាន់យក អាកប្បកិរិយាប្រកបដោយការទទួលខុសត្រូវ និងគោរពតាមច្បាប់អន្តរជាតិ”។
សេចក្តីថ្លែងការណ៍រួម និងឯកសារផ្សេងទៀត ដែលត្រូវបានអនុម័តនៅក្នុងកិច្ចប្រជុំកំពូលក៏មានមតិយោបល់លើច្រកសមុទ្រតៃវ៉ាន់ និងការចោទប្រកាន់ទាក់ទងនឹងសមុទ្រចិនខាងកើត សមុទ្រចិនខាងត្បូង ហុងកុង ស៊ីនជាំង និងទីបេផងដែរ។
អ្នកនាំពាក្យក្រសួងការបរទេសចិនបានឲ្យដឹងកាលពីថ្ងៃសៅរ៍ថា ប្រទេសចិន បដិសេធយ៉ាងដាច់អហង្ការ និងប្រឆាំងយ៉ាងម៉ឺងម៉ាត់ ចំពោះការប៉ុនប៉ងរបស់ G7 ក្នុងការលាបពណ៌ និងវាយប្រហារប្រទេសចិន និងជ្រៀតជ្រែកយ៉ាងក្លាហាន ក្នុងកិច្ចការផ្ទៃក្នុងរបស់ប្រទេសចិន ហើយបានជំទាស់នឹង ម្ចាស់ផ្ទះកិច្ចប្រជុំកំពូលជប៉ុន និងភាគីពាក់ព័ន្ធដទៃទៀត ។
ប្រែសម្រួល ឈូក បូរ៉ា
