តៃប៉ិ៖ ទីភ្នាក់ងារព័ត៌មាន Kyodo បានផ្សព្វផ្សាយនៅថ្ងៃទី២៩ ខែមិថុនា ឆ្នាំ២០២៣ថា នៅថ្ងៃព្រហស្បតិ៍នេះ លោក You Si-kun ប្រធានសភានីតិប្បញ្ញត្តិរបស់កោះតៃវ៉ាន់ បានថ្លែងថា លោកគ្រោងនឹងដឹកនាំ ការជិះទូកសាកល្បងមួយ ដែលចេញពីស្រុក Yilan នៅភាគខាងកើតរបស់កោះនេះឆ្ពោះទៅកាន់កោះ Yonaguni ដែលមានប្រជាជនរស់នៅភាគខាងលិច របស់ប្រទេសជប៉ុន នៅសប្តាហ៍ក្រោយ ការធ្វើបែបនេះក្នុងគោលបំណង ជំរុញដល់វិស័យទេសចរណ៍ និងទំនាក់ទំនងទ្វេភាគី ។
លោក Keiji Furuya ប្រធានក្រុមតំណាងរាស្រ្តជប៉ុន ឆ្លងភាគីដែលឧទ្ទិសដល់ការ ពង្រឹងទំនាក់ទំនងរវាងជប៉ុន និងកោះតៃវ៉ាន់ នឹងជួបជាមួយគណៈប្រតិភូដែលមានសមាជិកចំនួន ៨០នាក់ ដែលដឹកនាំដោយអ្នកនៅពេលមកដល់កោះ Yonaguni ។
លេខាធិការដ្ឋាននីតិបញ្ញត្តិ Yuan របស់កោះនេះបានឲ្យដឹងថា បន្ទាប់មកគាត់នឹងចូលរួម ក្នុងដំណើរត្រឡប់ទៅកាន់ស្រុក Yilan វិញនៅថ្ងៃនោះ ។
ចំពោះការធ្វើដំណើរទៅមក ដែលត្រូវចំណាយពេលជាង ៤ម៉ោង ត្រូវបានកំណត់ពេលសម្រាប់ថ្ងៃអង្គារ ប៉ុន្តែអាស្រ័យលើកត្តាអាកាសធាតុ ៕
ប្រែសម្រួលដោយ៖ ម៉ៅ បុប្ផាមករា
