បរទេស៖ អគ្គលេខាធិការអង្គការណាតូ លោក Jens Stoltenberg បាននិយាយកាលពីថ្ងៃព្រហស្បតិ៍ថា វាមិនមែនជាឧក្រិដ្ឋកម្មដែលចាំបាច់ ចំពោះការដុតគម្ពីរកូរ៉ាន ជាសាធារណៈនោះទេ ដោយឆ្លើយតបទៅនឹងសំណួរអំពី ឧប្បត្តិហេតុថ្មីៗនេះនៅក្នុងប្រទេសស៊ុយអែត ដែលបណ្តាលឱ្យមានការខឹងសម្បារ ក្នុងចំណោមប្រជាជនម៉ូស្លីម។
យោងតាមសារព័ត៌មាន RT ចេញផ្សាយនៅថ្ងៃទី៣០ ខែមិថុនា ឆ្នាំ២០២៣ បានឱ្យដឹងថា បញ្ហានេះមានភាពរសើបជាពិសេស ដោយសារប្រទេសដែល កាន់សាសនាឥស្លាមភាគច្រើន ប្រទេសតួកគី គឺជាប្រទេសមួយក្នុងចំណោម រដ្ឋសមាជិកទាំងពីរ ដែលរហូតមកដល់ពេលនេះបានបដិសេធ មិនផ្តល់សច្ចាប័នលើការប៉ុនប៉ង របស់ប្រទេសស៊ុយអែត ដើម្បីចូលរួមជាមួយប្លុកយោធា ដែលដឹកនាំដោយសហរដ្ឋអាមេរិក។
លោក Stoltenberg បានប្រាប់អ្នកយកព័ត៌មាន ក្នុងសន្និសីទសារព័ត៌មាន កាលពីថ្ងៃព្រហស្បតិ៍ថា “ខ្ញុំយល់ពីអារម្មណ៍ និងជម្រៅនៃអារម្មណ៍នេះ” ។ លោកបានបន្ថែមថា ការដុតគម្ពីរកូរ៉ានគឺជា «ការប្រមាថ និងមិនអាចប្រកែក ប៉ុន្តែវាមិនចាំបាច់ដែលវានឹងខុសច្បាប់ នោះទេ»។
លោក Stoltenberg ក៏បានថ្លែងបែបនេះ ចំពោះការតវ៉ារបស់អង្គការណាតូ នៅក្នុងប្រទេសស៊ុយអែតដែលបាន កើតឡើងកាលពីដើមខែនេះ។ លោកថា “ខ្ញុំមិនចូលចិត្តពួកគេទេ។ ប៉ុន្តែខ្ញុំការពារសិទ្ធិមិនយល់ស្រប។ នេះជាផ្នែកមួយនៃសេរីភាព នៃការបញ្ចេញមតិឡើយ»។
សូមជម្រាបថា កាលពីថ្ងៃពុធ មានពលរដ្ឋអ៊ីរ៉ាក់ម្នាក់ដែលរស់នៅ ក្នុងប្រទេសស៊ុយអែតបានដុតច្បាប់ចម្លង របស់គម្ពីរកូរ៉ាន់ នៅខាងក្រៅវិហារឥស្លាមក្នុងទីក្រុង Stockholm ចំពេលមានការប្រារព្ធពិធីបុណ្យ Eid al-Adha ដែលជាថ្ងៃឈប់សម្រាកដ៏សំខាន់របស់មូស្លីម។
ប្រទេសតួកគី ដែលជារដ្ឋសមាជិកមួយ ក្នុងចំណោមរដ្ឋសមាជិកទាំងពីរ ដែលរហូតមកដល់ពេលនេះមិនទាន់បាន ផ្តល់សច្ចាប័នលើការប៉ុនប៉ង របស់ប្រទេសស៊ុយអែត ដើម្បីចូលរួមជាមួយប្លុកនេះ បានថ្កោលទោសយ៉ាងខ្លាំង ចំពោះអាជ្ញាធរស៊ុយអែតចំពោះការ អនុញ្ញាតឱ្យមានការដុតគុម្ពីកូរ៉ាន់ ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
