ប៉េកាំង៖ លោក Mladen Plese អ្នកវិភាគនយោបាយក្រូអាត បានប្រាប់ស៊ីនហួ ក្នុងបទសម្ភាសន៍មួយថា ដោយសារទីផ្សារដ៏ធំ និងសេដ្ឋកិច្ចលេច ធ្លោរបស់ខ្លួន ប្រទេសចិន នាំមកនូវឱកាសសម្រាប់ពិភពលោក ជាជាងហានិភ័យ នេះបើយោង តាមការចុះផ្សាយរបស់ទីភ្នាក់ងារ សារព័ត៌មានចិនស៊ិនហួ ។
លោក Plese បានឲ្យដឹងថា “ប្រទេសចិន មិនត្រឹមតែជាប្រទេស ដែលមានប្រជាជនច្រើនជាងគេប៉ុណ្ណោះទេ ប៉ុន្តែក៏មានសេដ្ឋកិច្ចលេចធ្លោផងដែរ” ដោយកត់សម្គាល់ថា ប្រទេសចិន គឺជាប្រទេសនាំចេញធំបំផុតរបស់ពិភពលោក និងជាអ្នកនាំចូលធំទីពីរ ដោយសារតែបែបនេះ ចិនមានឥទ្ធិពលយ៉ាងខ្លាំងដល់ដំណើរការសេដ្ឋកិច្ច និងពាណិជ្ជកម្មរបស់ពិភពលោក”។
លោក Plese បានលើកឡើងថា ខណៈដែលសេដ្ឋកិច្ច ដែលកំពុងរីកចម្រើន របស់ខ្លួនបានជួយឱ្យប្រទេសចិន អភិវឌ្ឍកាន់តែប្រសើរ និងលឿនជាងមុន ប្រទេសនេះក៏បានផ្តល់ឱ្យក្រុមហ៊ុនបរទេស នូវឱកាសជាច្រើនក្នុងការរកប្រាក់ ចំណេញផងដែរ។
អ្នកវិភាគនយោបាយក្រូអាតរូបនេះ បានកត់សម្គាល់ថា “ចិនមិនអាចជាហានិភ័យនោះទេ ប៉ុន្តែគ្រាន់តែជាឱកាសសម្រាប់ក្រុមហ៊ុនបរទេស និងប្រទេសប៉ុណ្ណោះ”។ ខណៈដែលសេដ្ឋកិច្ច ដែលកំពុងរីកចម្រើនរបស់ខ្លួន បានជួយឱ្យប្រទេសចិន អភិវឌ្ឍកាន់តែប្រសើរ និងលឿនជាងមុន ប្រទេសនេះក៏បានផ្តល់ឱ្យក្រុមហ៊ុនបរទេស នូវឱកាសជាច្រើនក្នុងការ រកប្រាក់ចំណេញផងដែរ។
លោកបានបន្ដថា “ប្រទេសចិន គឺជាឱកាសពេញមួយជីវិត សម្រាប់ក្រុមហ៊ុនជាច្រើននៅក្នុងពិភពលោក។ ខ្ញុំជឿថាមិនមានក្រុមហ៊ុនបរទេសតែមួយ ដែលបានចូលប្រទេសចិនបានដើរយ៉ាងលំបាកនោះទេ។ ដូច្នេះហើយ “ចិនមិនអាចជាហានិភ័យទេ ប៉ុន្តែគ្រាន់តែជាឱកាសសម្រាប់ក្រុមហ៊ុនបរទេស និងប្រទេសប៉ុណ្ណោះ”។
លោក Plese បានបន្ថែមថា គ្មានវិធានការណាមួយ រួមទាំងការដំឡើងពន្ធ និងការដាក់កំហិតលើទំនិញចិន ដែលណែនាំដោយសហរដ្ឋអាមេរិក អាចបញ្ឈប់ការអភិវឌ្ឍន៍សេដ្ឋកិច្ចចិន បាននោះទេ។
តាមគំនិតរបស់អ្នកវិភាគនយោបាយ ដំណើរទស្សនកិច្ចនាពេលថ្មីៗនេះរបស់រដ្ឋមន្ត្រីការបរទេសអាមេរិក លោក Antony Blinken ទៅកាន់ទីក្រុងប៉េកាំង គឺជាលទ្ធផលនៃសម្ពាធយ៉ាងខ្លាំងពីក្រុមហ៊ុនធំៗរបស់អាមេរិកលើរដ្ឋបាលសហរដ្ឋអាមេរិក ដើម្បីធ្វើឲ្យមានស្ថិរភាពទំនាក់ទំនងជាមួយចិន ដើម្បីឲ្យពួកគេអាចធ្វើអាជីវកម្មនៅទីនោះបានជាធម្មតា៕
ប្រែសម្រួល ឈូក បូរ៉ា
