ញូវយ៉ក ៖ តម្លៃប្រេងឆៅនាពេលអនាគតបានធ្លាក់ចុះ ខណៈដែលការព្រួយបារម្ភរបស់អ្នកវិនិយោគ លើទស្សនវិស័យតម្រូវការប្រេងមានកម្រិត លើសពីការកាត់បន្ថយផលិតកម្មបន្ថែមពីអារ៉ាប៊ីសាអូឌីត និងរុស្ស៊ី នេះបើយោងតាមកាចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
West Texas Intermediate (WTI) សម្រាប់ការចែកចាយខែសីហាបានធ្លាក់ចុះ ៨៥សេនឬ ១,២០ ភាគរយ មកទូទាត់នៅតម្លៃ ៦៩,៧៩ដុល្លារអាមេរិក ក្នុងមួយបារ៉ែលនៅលើផ្សារហ៊ុន New York Mercantile Exchange។
ប្រេងឆៅប្រភេទ Brent សម្រាប់ចែកចាយនៅខែកញ្ញាបានធ្លាក់ចុះ ៧៦ សេន ឬ ១,០១ភាគរយ មកនៅត្រឹម ៧៤,៦៥ ដុល្លារអាមេរិក ក្នុងមួយបារ៉ែលនៅលើផ្សារហ៊ុន London ICE Futures Exchange ។
អារ៉ាប៊ីសាអូឌីត នឹងបន្តកាត់បន្ថយផលិតកម្មស្ម័គ្រចិត្ត ១ លានបារ៉ែលក្នុងមួយថ្ងៃក្នុងខែសីហា ខណៈដែលរុស្ស៊ីគ្រោងកាត់បន្ថយការនាំចេញប្រេងចំនួន ៥០ម៉ឺន បារ៉ែលក្នុងមួយថ្ងៃក្នុងខែសីហា នេះបើយោងតាមសេចក្តីថ្លែងការណ៍ផ្លូវការរបស់ប្រទេសទាំងពីរកាលពីថ្ងៃចន្ទ។
តម្លៃប្រេងបានកើនឡើងតាមព័ត៌មាននេះ ប៉ុន្តែបានប្រែក្លាយទៅជាការខាតបង់កាលពីល្ងាចថ្ងៃចន្ទ ចំពេលមានសូចនាករផលិតកម្មខ្សោយ។ សកម្មភាពសេដ្ឋកិច្ចនៅក្នុងវិស័យផលិតកម្មរបស់ អាមេរិកបានចុះកិច្ចសន្យានៅក្នុងខែមិថុនា សម្រាប់រយៈពេល ៨ខែជាប់គ្នាជាមួយនឹងសន្ទស្សន៍អ្នកគ្រប់គ្រងការទិញ (PMI) ធ្លាក់ចុះដល់ ៤៦ ពី ៤៦,៩ នៅក្នុងខែឧសភា នេះបើយោងតាមទិន្នន័យ ដែលចេញដោយវិទ្យាស្ថាន សម្រាប់ការគ្រប់គ្រងការផ្គត់ផ្គង់កាលពីថ្ងៃចន្ទ។
អារ៉ាប៊ីសាអូឌីត និងរុស្ស៊ី បានប្រកាសកាត់បន្ថយផលិតកម្មបន្ថែម ប៉ុន្តែពាណិជ្ជករផ្តោតលើហានិភ័យនៃការធ្លាក់ចុះសេដ្ឋកិច្ច ។ ប្រេងឆៅ WTI ហាក់ដូចជាត្រៀមខ្លួនធ្វើឱ្យមានកម្រិតទាបនៅទីនេះ ទោះបីជាប្រាក់ដុល្លារកាន់តែរឹងមាំឡើង ដោយសារការភ័យខ្លាចថា ធនាគារកណ្ដាលអាមេរិក នឹងទទួលយកអត្រាខ្ពស់ជាងនេះក៏ដោយ” ។
អ្នកវិភាគទីផ្សារជាន់ខ្ពស់នៅ OANDA ដែលជាអ្នកផ្គត់ផ្គង់សេវាកម្មជួញដូរទ្រព្យសកម្មច្រើនតាមអ៊ីនធឺណិតបានឲ្យដឹងថា ទស្សនវិស័យកំណើនពិភពលោក នឹងមិនមានភាពប្រសើរឡើងគ្រប់ពេលនោះទេ ដោយសារ PMIs សកលចុងក្រោយបំផុត ប៉ុន្តែទស្សនវិស័យរបស់សហរដ្ឋអាមេរិក និងចិនគួរតែរក្សាភាពប្រសើរឡើង សម្រាប់ប៉ុន្មានខែខាងមុខនេះ៕ ប្រែសម្រួល ឈូក បូរ៉ា
