លីទុយអានី៖ មេដឹកនាំអង្គការណាតូ បានយល់ព្រមធ្វើការឆ្ពោះ ទៅកាន់ប្រទេសអ៊ុយក្រែន ជាសមាជិក និងបង្កើនកិច្ចសហប្រតិបត្តិការសន្តិសុខ ជាមួយដៃគូរបស់ខ្លួននៅក្នុងតំបន់ឥណ្ឌូប៉ាស៊ីហ្វិក ដោយលើកឡើងពីសកម្មភាពរបស់ចិន និងការពង្រឹងទំនាក់ទំនងយុទ្ធសាស្ត្រជាមួយរុស្ស៊ីថា ជាបញ្ហាប្រឈម ដែលត្រូវដោះស្រាយ។
មេដឹកនាំដែលបានប្រមូលផ្តុំគ្នានៅរដ្ឋធានី Vilnius នៃប្រទេសលីទុយអានី សម្រាប់កិច្ចប្រជុំរយៈពេលពីរថ្ងៃ បានពិភាក្សាអំពីការគាំទ្របន្ថែមសម្រាប់អ៊ុយក្រែន ខណៈដែលខ្លួនបានជំរុញការវាយលុកប្រឆាំងនឹងការកាន់កាប់កងកម្លាំងរុស្ស៊ី និងស្វែងរកការធានាសន្តិសុខ ដែលអាចជឿទុកចិត្តបានពីសម្ព័ន្ធមិត្តយោធាដ៏មានឥទ្ធិពលបំផុតរបស់ពិភពលោក។
ការអង្វររបស់អ៊ុយក្រែន ឱ្យចូលរួមជាមួយអង្គការសន្ធិសញ្ញាអាត្លង់ទិកខាងជើង បានក្លាយជារបៀបវារៈនៅពេលដែលប្លុកនេះកំពុងពង្រីកការឈានទៅដល់ប្រទេស Nordic និងជំរុញកិច្ចសហប្រតិបត្តិការរបស់ខ្លួនជាមួយបណ្តាប្រទេសនៅក្រៅតំបន់ Euro-Atlantic ដូចជាប្រទេសជប៉ុន និងកូរ៉េខាងត្បូងជាដើម៕ ប្រែសម្រួល ឈូក បូរ៉ា
