កូឡាឡាំពួរ ៖ អ្នកវិភាគឈានមុខគេម៉ាឡេស៊ី បានឲ្យដឹងថា អត្ថិភាព និងការពង្រីករបស់ណាតូ បន្ទាប់ពីសង្គ្រាមត្រជាក់ បានធ្វើឱ្យសន្តិភាព និងស្ថិរភាពពិភពលោក ស្ថិតក្នុងហានិភ័យ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ចិនស៊ិនហួ ។
ដោយបានហួសពីគោលបំណង ដើមរបស់ខ្លួន ការបន្តរបស់ណាតូ កំពុងមានឥទ្ធិពលអស្ថិរភាពលើកិច្ចការពិភពលោក ខណៈដែលប្លុកនេះ ព្យាយាមរក្សាភាពពាក់ព័ន្ធ នៅក្នុងពិភពពហុប៉ូល ដែលកំពុងរីកចម្រើននេះ លោកស្រី លី ប៉ីម៉ី អ្នកជំនាញនយោបាយ នៃសាកលវិទ្យាល័យអ៊ីស្លាមអន្តរជាតិ ម៉ាឡេស៊ីបានប្រាប់ស៊ីនហួរ ក្នុងពេលថ្មីៗនេះ ។
លោកស្រីបានលើកឡើងថា សម្ព័ន្ធភាពយោធា ទោះបីជាត្រូវបានបង្កើតឡើង ជាមួយដៃគូអឺរ៉ុប ក៏ដោយ ប៉ុន្តែបានក្លាយទៅ ជាអនុលោមតាមឆន្ទៈ របស់សហរដ្ឋអាមេរិក ដែលធ្វើសកម្មភាពឯកតោភាគី ខណៈពេលដែលរំពឹងថា នឹងមានការអនុលោមដោយស្ងប់ស្ងាត់ ពីរដ្ឋសមាជិកដទៃទៀត។
លោកស្រី បានលើកឡើងថា “យើងកំពុងមើលឃើញកាន់តែខ្លាំងឡើងពីរបៀបដែល ណាតូ មានការវិវឌ្ឍន៍ ដើម្បីបម្រើផលប្រយោជន៍ មិនមែនសមាជិក ទាំងអស់នោះទេ ប៉ុន្តែជាសមាជិកជាក់លាក់ ដូចជាសហរដ្ឋអាមេរិក ។ ដូច្នេះហើយណាតូ មិនអាចផ្តល់ប្រភេទ នៃស្ថិរភាពតាមរយៈការការពារសមូហភាព ដែលសមាជិកផ្សេងទៀត ចង់បាននោះទេ ប៉ុន្តែផ្ទុយទៅវិញក្លាយ ជាឧបករណ៍ប្រើប្រាស់ ដោយសហរដ្ឋអាមេរិក ដើម្បីរក្សាជំហរដ៏លេចធ្លោរបស់ខ្លួន។
លោកស្រីបានឲ្យដឹងបន្ទាប់ពីកិច្ចប្រជុំកំពូល របស់អង្គការណាតូ នៅទីក្រុងវីលនីញូស រដ្ឋធានីលីទុយអានី ដែលចាត់ទុកប្រទេសចិនថា ជា “បញ្ហាប្រឈមជាប្រព័ន្ធ ចំពោះសន្តិសុខអឺរ៉ុប-អាត្លង់ទិក” ។
លោកស្រីបន្ដថា វោហាសាស្ត្រ ប្រឈមមុខដាក់គ្នាបន្តរបស់ណាតូ មិនត្រឹមតែសំដៅប្រឆាំងនឹងសត្រូវ ដែលយល់ឃើញរបស់ខ្លួននៅក្នុងទ្វីបអឺរ៉ុបប៉ុណ្ណោះទេ ប៉ុន្តែឥឡូវនេះបានហក់ចូល ទៅក្នុងទ្វីបអាស៊ី ដោយសម្ព័ន្ធភាព ដែលដឹកនាំដោយសហរដ្ឋអាមេរិក កំពុងដាក់ខ្លួនប្រឆាំងនឹងប្រទេសចិន ដោយធ្វើឱ្យពាណិជ្ជកម្មអន្តរជាតិ និងកិច្ចសហប្រតិបត្តិការសេដ្ឋកិច្ចស្ថិតក្នុងគ្រោះថ្នាក់។
លោកស្រីបានបន្ថែមថា វិធានការណ៍ដាក់សម្ពាធ ដល់សមាជិកនៃសមាគមប្រជាជាតិអាស៊ីអាគ្នេយ៍ (អាស៊ាន) ក៏នឹងមានផលប៉ះពាល់ យ៉ាងធ្ងន់ធ្ងរដល់តំបន់ផងដែរ ប្រសិនបើប្រទេសជា សមាជិកបានចូលជ្រៀតជ្រែក ហើយចាប់ផ្តើមភាគីម្ខាងទៀតប្រឆាំងនឹងប្រទេសចិន ដែលជាដៃគូពាណិជ្ជកម្មដ៏សំខាន់ ។
ការដែលអង្គការណាតូ ចាកចេញពីប្រទេសចិន ក្នុងនាមជា សត្រូវបានទាញប្រតិកម្មតបវិញ ។ អ្នករិះគន់បានពណ៌នា វោហាសាស្ត្របែកបាក់ ចុងក្រោយ របស់ណាតូថា ជាផលិតផលនៃចិត្តគំនិតសង្រ្គាមត្រជាក់ និងភាពលំអៀងមនោគមវិជ្ជា ហើយបានព្រមានថាការពង្រីក និងការឆ្លើយតប របស់អង្គការណាតូ ចំពោះវិបត្តិអ៊ុយក្រែនអាចបង្កគ្រោះថ្នាក់ដល់សន្តិសុខពិភពលោក ហើយអាចប៉ះពាល់ដល់ស្ថានភាពមិនចូលបក្សសម្ព័ន្ធ និងអព្យាក្រឹតរបស់ប្រទេសមួយចំនួន។
ដោយជំរុញឱ្យអាស៊ានជំនួសវិញរក្សាភាពកណ្តាល និងអព្យាក្រឹតភាពរបស់ខ្លួន ហើយផ្តោតលើការអភិវឌ្ឍន៍សេដ្ឋកិច្ច និងពាណិជ្ជកម្ម លោកស្រីបានលើកឡើងថា សមាជិកអាស៊ានមានសិទ្ធិបញ្ចេញនូវកង្វល់របស់ពួកគេ និងរក្សាជំហររបស់ពួកគេដោយបដិសេធការប៉ុនប៉ង ដើម្បីទាក់ទាញពួកគេឱ្យចូលទៅក្នុងសម្ព័ន្ធភាពណាមួយ។
ការលាបពណ៌ចិនជាមហាអំណាចឈ្លានពានគឺជាការភ័យខ្លាចយ៉ាងខ្លាំង ដែល “ផ្តល់ភាពមិនពិតនៃភាពអសន្តិសុខដល់ប្រទេសអាស៊ី និងប្រជាជនរបស់ខ្លួន” ដោយលោកស្រីបានបន្ថែមថា ភាពកក់ក្តៅគ្មានន័យរបស់ណាតូ អាចជំរុញ ឱ្យប្រទេសនានា “ផ្តល់អាទិភាព ដល់ការបង្កើនការចំណាយយោធា របស់ពួកគេ និងចូលរួមក្នុងការប្រណាំងអាវុធនៅពេល គ្មានការគំរាមកំហែង ជាក់ស្តែងនោះទេ”៕
ប្រែសម្រួល ឈូក បូរ៉ា
