អង់ការ៉ា៖ ប្រធានាធិបតីតួកគី បានឲ្យដឹងនៅក្នុងសេចក្តីថ្លែងការណ៍មួយថា ប្រធានាធិបតីតួកគីលោក Recep Tayyip Erdogan បានពិភាក្សា លម្អិតស្ដីពីការបន្ត នៃគំនិតផ្តួចផ្តើមគ្រាប់ធញ្ញជាតិសមុទ្រខ្មៅ ក្នុងអំឡុងពេលការសន្ទនាតាមទូរស័ព្ទជាមួយសមភាគីអ៊ុយក្រែនលោក វូឡូឌីមៀ ហ្សេឡិនស្គី។
លោក Erdogan បានលើកឡើងថា តួកគី បានខិតខំប្រឹងប្រែងយ៉ាងសំខាន់ ដើម្បីអនុញ្ញាតឱ្យសន្តិភាពបានគ្រប់គ្រងក្នុងអំឡុងពេលការហៅទូរស័ព្ទដែលបានធ្វើឡើងតាមការស្នើសុំរបស់លោក ហ្សេឡិនស្គី នេះបើយោងតាមសេចក្តីថ្លែងការណ៍។
គំនិតផ្តួចផ្តើម ដែលបានអនុញ្ញាតឱ្យអ៊ុយក្រែន នាំចេញគ្រាប់ធញ្ញជាតិ និងផលិតផលកសិកម្មផ្សេងទៀតពីកំពង់ផែសមុទ្រខ្មៅរបស់ខ្លួនត្រូវបានឈ្មួញកណ្តាល តួកគី និងអង្គការសហប្រជាជាតិក្នុងខែកក្កដា ឆ្នាំ២០២២ ហើយបានផុតកំណត់នៅថ្ងៃចន្ទបន្ទាប់ពីការដកខ្លួនជាឯកតោភាគីរបស់រុស្ស៊ី។
ដំបូងមានសុពលភាពរយៈពេល ១២០ ថ្ងៃ គំនិតផ្តួចផ្តើមគ្រាប់ធញ្ញជាតិត្រូវបានបន្តនៅពាក់កណ្តាលខែវិច្ឆិកា ឆ្នាំ២០២២ រយៈពេល ១២០ ថ្ងៃទៀតរហូតដល់ថ្ងៃទី១៨ ខែមីនា ឆ្នាំ២០២៣ បន្ទាប់មករុស្ស៊ីបានយល់ព្រមបន្តកិច្ចព្រមព្រៀងនេះត្រឹមតែ ៦០ ថ្ងៃប៉ុណ្ណោះ ហើយនៅថ្ងៃទី១៧ ខែឧសភា រុស្ស៊ី បានយល់ព្រមបន្តកិច្ចព្រមព្រៀងរយៈពេល ២០ថ្ងៃទៀត។
ទីក្រុងមូស្គូ បានផ្អាកការចូលរួមរបស់ខ្លួននៅក្នុងកិច្ចព្រមព្រៀងកាលពីថ្ងៃទី១៧ ខែកក្កដា ដោយនិយាយថា ខ្លួននឹងត្រលប់ទៅកិច្ចព្រមព្រៀងវិញភ្លាមៗនៅពេលដែលផ្នែករុស្ស៊ី នៃកិច្ចព្រមព្រៀងត្រូវបានបំពេញ៕ ប្រែសម្រួល ឈូក បូរ៉ា
