ប៉េកាំង៖ អ្នកនាំពាក្យការពារជាតិចិន បានឲ្យដឹងថា សហរដ្ឋអាមេរិក និងអង្គការណាតូ គឺជាប្រភពហានិភ័យ និងអស្ថិរភាពបំផុត ចំពោះសន្តិភាព និងសន្តិសុខអន្តរជាតិ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោក Tan Kefei អ្នកនាំពាក្យក្រសួង ការពារជាតិ បានធ្វើការកត់សម្គាល់ នៅពេលឆ្លើយតប ទៅនឹងសំណួររបស់ប្រព័ន្ធផ្សព្វផ្សាយ ទាក់ទងនឹងសេចក្តីថ្លែងការណ៍ នៃកិច្ចប្រជុំកំពូល NATO Vilnius នាពេលថ្មីៗនេះ ។
លោក Tan បានលើកឡើងថា ក្នុងនាមជាប្លុកយោធា ណាតូ ត្រូវបានគេស្គាល់ថា មានឃ្លាំងអាវុធនុយក្លេអ៊ែរដ៏ធំបំផុតរបស់ពិភពលោក និងបន្តគោលនយោបាយ នៃការប្រើប្រាស់អាវុធនុយក្លេអ៊ែរជាលើកដំបូង។
ក្នុងរយៈពេលប៉ុន្មានឆ្នាំចុងក្រោយនេះ សហរដ្ឋអាមេរិក បានបន្តលើកកម្ពស់ការចែករំលែក នុយក្លេអែរ ដោយលុកលុយអ្វីដែលគេហៅថា “ការគំរាមកំហែងផ្នែកសន្តិសុខ” ។ យោងតាមរបាយការណ៍ សហរដ្ឋអាមេរិកបានដាក់ពង្រាយ អាវុធនុយក្លេអ៊ែរជាង ១០០គ្រាប់ នៅក្នុងប្រទេសអ៊ឺរ៉ុប មួយចំនួន ដោយធ្វើឱ្យកាន់តែធ្ងន់ធ្ងរនូវហានិភ័យនៃការរីកសាយភាយនុយក្លេអ៊ែរសកល និងជម្លោះនុយក្លេអ៊ែរ។
យោងតាមលោក Tan ប្រទេសចិន បន្តយ៉ាងម៉ឺងម៉ាត់នូវយុទ្ធសាស្ត្រការពារស្វ័យការពារនុយក្លេអ៊ែរ ហើយតែងតែប្តេជ្ញាចិត្ត ចំពោះគោលនយោបាយ “មិនប្រើប្រាស់អាវុធ នុយក្លេអ៊ែរជាដំបូង” ។
លោកបានបន្ដថា “យើងជំរុញឱ្យអង្គការណាតូ ចាត់វិធានការជាក់ស្តែងដើម្បីបន្ទាបតួនាទីនៃអាវុធនុយក្លេអ៊ែរ នៅក្នុងគោលនយោបាយសន្តិសុខជាតិ និងសមូហភាព និងរក្សាឱ្យមានប្រសិទ្ធភាព នូវស្ថិរភាពយុទ្ធសាស្ត្រសកល” ៕
ប្រែសម្រួល ឈូក បូរ៉ា
