វ៉ាស៊ីនតោន៖ កាលពីថ្ងៃសុក្រលោក Blinken បានជួបជាមួយនាយករដ្ឋមន្ត្រីអូស្ត្រាលីលោក Anthony Albanese ហើយបានអះអាងជាថ្មី នូវការប្តេជ្ញាចិត្តរបស់ទីក្រុងវ៉ាស៊ីនតោន ក្នុងការធ្វើការយ៉ាងជិតស្និទ្ធ ជាមួយអូស្ត្រាលីលើការ ប្រែប្រួលអាកាសធាតុ សន្តិភាព និងស្ថិរភាពនៅក្នុងតំបន់ឥណ្ឌូប៉ាស៊ីហ្វិក ក៏ដូចជាការប្រឆាំងនឹងព័ត៌មានមិនពិត ដែលឧបត្ថម្ភដោយរដ្ឋ។
រដ្ឋមន្ត្រីការបរទេសអាមេរិក លោក Antony Blinken បានឲ្យដឹងថា ការគំរាមកំហែងដ៏មាន សក្តានុពលនៃសង្គ្រាមនុយក្លេអ៊ែរ គឺមិនមានគ្រោះថ្នាក់ជាងបញ្ហា ដែលមានស្រាប់នៃ ការប្រែប្រួលអាកាសធាតុនោះទេ។
លោកបានលើកឡើងថា “មែនហើយ ខ្ញុំគិតថា មានរឿងខ្លះនៅខាងមុខ និងកណ្តាល ហើយមាមចចកចាំនៅមាត់ទ្វារ រួមទាំងជម្លោះ ដែលអាចកើតមាន ប៉ុន្តែគ្មានអ្វីគួរឱ្យសង្ស័យទេដែលថា អាកាសធាតុតំណាងឱ្យបញ្ហាប្រឈម ដែលមានសម្រាប់យើងទាំងអស់គ្នា” ។
លោក Blinken បានឲ្យដឹងថា នៅពេលត្រូវបានសួរពីអ្វី ដែលលោកចាត់ទុកថា ជាបញ្ហាប្រឈមកាន់តែខ្លាំង សម្រាប់មនុស្សជាតិ រវាងសង្គ្រាមនុយក្លេអ៊ែរ ឬការប្រែប្រួលអាកាសធាតុសកល ដោយលោកបានបញ្ជាក់ថា ការគំរាមកំហែងពីសង្គ្រាមនុយក្លេអ៊ែរ មិនអាក្រក់ជាងការប្រែប្រួលអាកាសធាតុនោះទេ៕
ប្រែសម្រួល ឈូក បូរ៉ា
