ម៉ូស្គូ៖ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានឲ្យដឹងថា ទីក្រុងមូស្គូ បានថ្កោលទោសយ៉ាងខ្លាំង ចំពោះ “ការវាយប្រហារភេរវកម្ម” របស់ទីក្រុងគៀវ លើនាវាស៊ីវិលរុស្ស៊ី នៅច្រកសមុទ្រឃើច។
មជ្ឈមណ្ឌលជួយសង្គ្រោះ និងសម្របសម្រួលដែនសមុទ្រនៃទីក្រុង Novorossiysk បានឲ្យដឹងថា យន្តហោះដ្រូនរបស់អ៊ុយក្រែនមួយគ្រឿង បានបើកវាយប្រហារនាវា ដឹកប្រេងរបស់រុស្ស៊ី នៅច្រកសមុទ្រឃើច បណ្តាលឱ្យខូចខាតដល់ បន្ទប់ម៉ាស៊ីនរបស់នាវាដឹកប្រេង ប៉ុន្តែមិនមានអ្នករងរបួសនោះទេ។
លោកស្រី Zakharova បានលើកឡើងថា ការវាយប្រហារនេះ “មិនត្រឹមតែគំរាមកំហែងដល់សុវត្ថិភាព របស់នាវិកប៉ុណ្ណោះទេ ថែមទាំងបានបង្កការគំរាមកំហែងនៃ មហន្តរាយបរិស្ថានទ្រង់ទ្រាយធំផងដែរ”។
លោកស្រីបានបន្ថែមថា “របបក្រុងគៀវ ដែលប្រឈមមុខនឹង ការមិនថ្កោលទោសពី បណ្តាប្រទេសលោកខាងលិច និងអង្គការអន្តរជាតិ កំពុងមមាញឹកអនុវត្តវិធីសាស្រ្តភេរវករថ្មី ពេលនេះនៅក្នុងដែនទឹកនៃសមុទ្រខ្មៅ”។
អ្នកស្រីបានបន្ដថា “សកម្មភាពព្រៃផ្សៃបែបនេះ មិនអាចរាប់ជាសុចរិតបានទេ ហើយពួកគេនឹងមិននៅ ដោយគ្មានការឆ្លើយតបទេ ខណៈពេលដែលអ្នកនិពន្ធ និងជនល្មើសនឹងត្រូវទទួលទោស ដោយជៀសមិនរួច”៕
ប្រែសម្រួល ឈូក បូរ៉ា
