បរទេស៖ ក្រុមមន្ត្រីយោធារបស់អាមេរិក កាលពីថ្ងៃសុក្រម្សិលមិញនេះបានថ្លែងប្រាប់ទៅកាន់បណ្តាញអ្នកយកព័ត៌មានរបស់ទូរទស្សន៍ CNN ថាកងទ័ពអ៊ុយក្រែនគួរតែបញ្ចប់ប្រតិបត្តិការវាយប្រហារទៅលើតំបន់ Crimea និងងាកមកផ្តោតសំខាន់លើការបំបែកតំបន់ការពាររបស់រុស្សីវិញល្អជាង។
ប្រភពដដែលបានបញ្ជាក់ទៀតថា ប៉ុន្មានសប្តាហ៍ចុងក្រោយនេះអ៊ុយក្រែន បានបើកការវាយប្រហារទៅលើតំបន់ Crimea ជាច្រើនលើកច្រើនសាមកហើយប៉ុន្តែមិនបានទទួលលទ្ធផលជោគជ័យ ឬមានប្រយោជន៍អ្វីនោះទេទោះបីជាការវាយប្រហារនោះបានហោះសំដៅចំស្ពានឬគោលដៅផ្សេងទៀតក្តី។
មន្ត្រីការពារជាតិជាន់ខ្ពស់សុំមិនបញ្ចេញឈ្មោះម្នាក់បានប្រាប់ CNN ទៀតថា យុទ្ធសាស្ត្រនៃការវាយប្រហារយ៉ាងជ្រៅនេះបានធ្វើឱ្យប្រជាជនរុស្ស៊ី បាត់បង់តុល្យភាពបន្តិច ប៉ុន្តែវាមិនបានធ្វើអ្វីដែលសម្រេចបានឡើយហើយវាប្រហែលជាប្រសើរជាងប្រសិនបើអ៊ុយក្រែន ងាកមកផ្តោតតែទៅលើប្រតិបត្តិការវាយបករបស់ខ្លួនវិញ។
គួរឲ្យដឹងដែរថាប្រតិបត្តិការវាយបករបស់អ៊ុយក្រែន តាំងតែពីខែមិថុនានោះទោះបីជាយ៉ាងណាក៏ដោយ ប្រតិបត្តិការនេះបានធ្វើឱ្យទីក្រុងគៀវ ខាតបង់កម្លាំងទាហានជាង៤៣០០០នាក់ និងសម្ភារៈធុនធ្ងន់ជិត ៥០០០ គ្រឿងហើយមកទល់ពេលនេះទាំងមិនមានលទ្ធផលអ្វីជាដុំកំភួននោះទេ៕ ប្រែសម្រួល៖ស៊ុនលី
