បរទេស៖ ម្សិលមិញនេះប្រធានាធិបតីរុស្សី លោក Vladimir Putin បានធ្វើការលើកឡើងជាច្រើនអំពីអត្តចារិតរបស់លោក Prighozhin ដែលជាប្រធាននិងស្ថាបនិកក្រុមហ៊ុនទាហានស៊ីឈ្នួល Wagner Groupកាលពីមុនគាត់បាត់បង់ជីវិត។
យោងតាមការចេញផ្សាយរបស់ RT លោក Putin បានថ្លែងថា លោក Prigozhin គឺជាបុគ្គលដ៏មានទេព្យកោសលនិងជាមនុស្សដែលបានជួយដល់ប្រទេសរុស្សី យ៉ាងច្រើនក្នុងការប្រយុទ្ធប្រឆាំងក្រុមណាហ្ស៊ីស ដែលស្ថិតនៅក្នុងប្រទេសអ៊ុយក្រែន នាពេលកន្លងមក។
ថ្លែងទៅកាន់ក្រុមអ្នកកាសែតជាច្រើននាក់នៅវិមានក្រមឡាំង កាលពីថ្ងៃម្សិលមិញពាក់ព័ន្ធនឹងហេតុការណ៍ធ្លាក់យន្តហោះដែលក្នុងនោះក៏មានលោក Prigozhin ស្លាប់បាត់បង់ជីវិតជាមួយគ្នាផងនោះលោក Putin បានបញ្ជាក់ដែរថាលោកនិងលោក Prigozhin បានស្គាល់គ្នាតាំងតែទសវត្សឆ្នាំ១៩៩០មកម្ល៉េះប៉ុន្តែលោកបានហៅថាលោក Prigozhin គឺជាបុគ្គលដែលមានជោគវាសនាដ៏ស្មុគ្រស្មាញម្នាក់។
លោក Putin បានបន្តថា៖លោក Prigozhin បានបង្កកំហុសធំៗ ជាច្រើនក្នុងជីវិតរបស់គាត់ប៉ុន្តែក៏មានពេលខ្លះបានបង្ហាញស្នាដៃធំៗផងដែរ។លោក Prigozhin គឺជាអ្នកជំនួញដ៏ខ្លាំងម្នាក់ដែលធ្លាប់បានធ្វើការទាំងក្នុងប្រទេសរុស្សី និងនៅអាហ្វ្រិក ជាពិសេសលើអាជីវកម្មរុករកប្រេងហ្គាសនិងរ៉ែជាច្រើនបូករួមទាំងត្បូងផង៕ ប្រែសម្រួល៖ស៊ុនលី
