ប៉េកាំង៖ ឯកអគ្គរដ្ឋទូតចិនប្រចាំសហរដ្ឋអាមេរិក លោក Xie Feng បានព្រមានប្រឆាំងនឹងការបែកបាក់ និងជម្លោះរវាងទីក្រុងប៉េកាំង និងទីក្រុងវ៉ាស៊ីនតោន នៅក្នុងសុន្ទរកថា នៅឯវេទិកាធុរកិច្ចនៅទីក្រុងវ៉ាស៊ីនតោនឌីស៊ី នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។។
ថ្លែងទៅកាន់វេទិកាធុរកិច្ចអាមេរិក-ចិនលើកទី៥ ដែលរៀបចំឡើងដោយ Forbes ដែលលោក Xie ត្រូវបានអញ្ជើញ ឯកអគ្គរដ្ឋទូតបានលើកឡើងថា ហានិភ័យធំបំផុតគឺការបែកបាក់គ្នារវាងចិន និងសហរដ្ឋអាមេរិក ហើយប្រភពនៃអសន្តិសុខដ៏ធំបំផុត បានមកពីការប្រឈមមុខដាក់គ្នា រវាងប្រទេសទាំងពីរ។
លោក Xie បានលើកឡើងថា ជម្លោះឬការប្រឈមមុខដាក់គ្នាណាមួយរវាងចិន និងសហរដ្ឋអាមេរិក នឹងមិនបង្កើតឱ្យមានអ្នកឈ្នះនោះទេ ប៉ុន្តែមានតែការបំផ្លិចបំផ្លាញ សម្រាប់ពិភពលោកតែប៉ុណ្ណោះ។ លោកបានបន្ថែមថា ជម្រើសដ៏ត្រឹមត្រូវតែមួយគត់ សម្រាប់ប្រទេសទាំងពីរ គឺការប្រយុទ្ធប្រឆាំងនឹង បញ្ហាប្រឈមជាសាកលជាមួយគ្នា ហើយផ្តល់ភាគលាភសន្តិភាព និងការអភិវឌ្ឍន៍បន្ថែមទៀតដល់ពិភពលោក។
ឆ្លើយតបទៅនឹងសំឡេងដែល លេចចេញនាពេលថ្មីៗនេះ បានរីករាលដាលដល់វិនាស និងអាប់អួរអំពីសេដ្ឋកិច្ចចិន លោក Xie បានលើកឡើងថា សំឡេងនឹងមិនធ្វើឱ្យខ្លួនឯង ប្រសើរជាងមុននោះទេ ហើយពិភពលោកនឹងកាន់តែប្រសើរឡើង នៅពេលដែលប្រទេសចិនទទួលបានសុខស្រួល។
លោកបន្ដថា មិត្តភក្តិមកពីសហគមន៍អាជីវកម្មគឺជា “អ្នកពាក់ព័ន្ធ ដ៏សំខាន់នៅក្នុងទំនាក់ទំនង រវាងប្រទេសចិន-សហរដ្ឋអាមេរិក ។ លោកបានលើកទឹកចិត្តពួកគេឱ្យ បន្តកសាងស្ពានមិត្តភាព និងកិច្ចសហប្រតិបត្តិការ ហើយដើរតួនាទីយ៉ាងសំខាន់ ក្នុងការធ្វើឱ្យទំនាក់ទំនងទ្វេភាគីកាន់តែស៊ីជម្រៅ និងស្ថិរភាពទំនាក់ទំនងចិន-អាមេរិក។
លោកបន្ថែមថា ភារកិច្ចសំខាន់មួយរបស់លោក គឺស្វែងរកអ្នកគាំទ្រទំនាក់ទំនងចិន-អាមេរិក កាត់បន្ថយភាពខ្វែងគំនិត និងការខ្វែងគំនិតគ្នា និងពង្រីកកិច្ចសន្ទនា និងកិច្ចសហប្រតិបត្តិការ ដើម្បីរួមគ្នានាំយកទំនាក់ទំនងចិន-អាមេរិកត្រឡប់ទៅផ្លូវត្រូវ ហើយបន្តដំណើរទៅមុខទៀត៕
ប្រែសម្រួល ឈូក បូរ៉ា
