ប៉េកាំង៖ ប្រទេសចិន បានការពារការហាមឃាត់របស់ខ្លួន លើការនាំចូលអាហារសមុទ្រពីប្រទេសជប៉ុន បន្ទាប់ពីទីក្រុងតូក្យូ បានណែនាំថា ខ្លួននឹងដាក់ពាក្យបណ្តឹងទៅកាន់ អង្គការពាណិជ្ជកម្មពិភពលោក ជុំវិញជំហានដែលបានណែនាំ បន្ទាប់ពីការបញ្ចេញទឹកវិទ្យុសកម្ម ដែលត្រូវបានព្យាបាលចេញពី រោងចក្រនុយក្លេអ៊ែរហ្វូគូស៊ីម៉ា ដែលខូចចូលទៅក្នុងសមុទ្រ។
អ្នកនាំពាក្យក្រសួងការបរទេសចិន លោក Wang Wenbin បានឲ្យដឹងនៅក្នុងសន្និសីទសារព័ត៌មានមួយថា វិធានការរបស់ទីក្រុងប៉េកាំង គឺ “ត្រឹមត្រូវ និងចាំបាច់” ព្រោះវាស្របតាមច្បាប់ និងបទប្បញ្ញត្តិរបស់ប្រទេស ក៏ដូចជាកិច្ចព្រមព្រៀង WTO ទាក់ទងនឹងការអនុវត្តសុវត្ថិភាពចំណីអាហារ និងបទប្បញ្ញត្តិសុខភាពសត្វ និងរុក្ខជាតិ។
ដោយពណ៌នាការបញ្ចេញទឹកវិទ្យុសកម្មហ្វូគូស៊ីម៉ា ដែលបានចាប់ផ្តើមកាលពីសប្តាហ៍មុនថាជា “ទង្វើមិនទទួលខុសត្រូវ និងអាត្មានិយម” លោក Wang បានកត់សម្គាល់ថា សហគមន៍អន្តរជាតិ បានរិះគន់សកម្មភាពនេះ និងចាត់វិធានការប្រុងប្រយ័ត្នជាការឆ្លើយតប។
ប្រទេសជិតខាងអាស៊ីទាំងពីរមានជម្លោះជុំវិញសុវត្ថិភាពនៃទឹក ដែលត្រូវបានបញ្ចេញចេញពី រោងចក្រថាមពលនុយក្លេអ៊ែរ Fukushima Daiichi ដែលរងការខូចខាតយ៉ាងធ្ងន់ធ្ងរ ដោយការរញ្ជួយដី និងរលកយក្សស៊ូណាមិ កាលពីឆ្នាំ២០១១ ដែលធ្វើឱ្យទំនាក់ទំនងទ្វេភាគី ដែលមិនមានស្ថិរភាពរួចទៅហើយ ៕
ប្រែសម្រួល ឈូក បូរ៉ា
