បាងកក៖ យោធាអ៊ុយក្រែនបានបញ្ជាក់ថា បានបាត់បង់មន្ត្រី៦នាក់ ក្នុងឧប្បត្តិហេតុមួយដែល ពាក់ព័ន្ធនឹងឧទ្ធម្ភាគចក្រ Mil Mi-8 ចំនួនពីរគ្រឿងនៅតំបន់ Donbass។ ការស្លាប់នេះត្រូវបានរាយការណ៍ ដោយប្រព័ន្ធផ្សព្វផ្សាយក្នុងស្រុក នៅក្នុងឧបទ្ទវហេតុដ៏ល្បីទីពីរ របស់កងទ័ពអាកាសក្នុងរយៈពេល ជាច្រើនសប្តាហ៍មកនេះ។
យោងតាមសារព័ត៌មាន RT ចេញផ្សាយនៅថ្ងៃទី៣១ ខែសីហា ឆ្នាំ២០២៣ បានឱ្យដឹងថា អ្នកនាំពាក្យយោធាអ៊ុយក្រែនលោក Ilya Evlash បាននិយាយនៅថ្ងៃព្រហស្បតិ៍ថា យន្តហោះយោធានេះ បានទម្លាក់កាលពីថ្ងៃព្រហស្បតិ៍ ដោយសារតែយន្តហោះចម្បាំងរុស្ស៊ី Su-35 ខណៈពេលដែលព្យាយាមចុះចត ក្នុងបេសកកម្មប្រយុទ្ធ ដោយបន្ថែមថាកាលៈទេសៈពិតប្រាកដ កំពុងស្ថិតនៅក្រោមការស៊ើបអង្កេត។
ប្រព័ន្ធផ្សព្វផ្សាយអ៊ុយក្រែន បានរាយការណ៍ជាលើកដំបូង អំពីការធ្លាក់យន្តហោះកាលពីថ្ងៃពុធ ដោយដកស្រង់ប្រភពនៅក្នុង កងពលតូចដែលអ្នកបើកយន្តហោះជាកម្មសិទ្ធិ។ វាបានកើតឡើងនៅក្នុងផ្នែក ដែលគ្រប់គ្រងដោយទីក្រុងគៀវ នៃសាធារណរដ្ឋប្រជាមានិត Donetsk ហើយរបាយការណ៍បានបង្ហាញថា ឧទ្ធម្ភាគចក្រ Mi-8s បានចូលរួមនៅក្នុងសកម្មភាពនៅជិតទីក្រុង Artyomovsk ដែលត្រូវបានគេស្គាល់ថា Bakhmut ។
កាលពីថ្ងៃសុក្រសប្តាហ៍មុន យន្តហោះហ្វឹកហ្វឺនប្រយុទ្ធ L-39 របស់អ៊ុយក្រែនពីរគ្រឿង បានបុកគ្នានៅលើអាកាសនៃតំបន់ Zhytomyr នៅភាគខាងលិចនៃទីក្រុងគៀវ ដែលបណ្តាលឱ្យអ្នកបើកបរយន្តហោះ ៣នាក់ស្លាប់ ៕
ប្រែសម្រួលៈ ណៃ តុលា
