តូក្យូ៖ តម្លៃ នៃការនាំចេញអាហារសមុទ្ររបស់ប្រទេសជប៉ុន ទៅកាន់ប្រទេសចិនបានធ្លាក់ចុះ២៣,២ ភាគរយនៅក្នុងខែកក្កដាធៀបនឹងឆ្នាំមុនមកត្រឹម ៧,៧ ពាន់លានយ៉េន (៥២លានដុល្លារ) ដែលមួយផ្នែកដោយសារការធ្វើតេស្តវិទ្យុសកម្មរបស់ប្រទេសចិន លើផលិតផលបែបនេះ ដែលបានចាប់ផ្តើមក្នុងខែនោះ ទិន្នន័យរបស់រដ្ឋាភិបាលបានបង្ហាញកាលពីថ្ងៃអង្គារ។
យោងតាមក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា ការនាំចេញផលិតផលទាំងនោះ ជាពិសេសសត្វខ្យង បានធ្លាក់ចុះជាលើកដំបូងចាប់តាំងពីខែមករា ឆ្នាំ២០២១ ដោយសារទីក្រុងប៉េកាំង បានរឹតបន្តឹងការត្រួតពិនិត្យមុនពេលបញ្ចេញទឹកវិទ្យុសកម្ម ដែលបានព្យាបាលចេញពីរោងចក្រថាមពលនុយក្លេអ៊ែរហ្វូគូស៊ីម៉ា ដែលខូច និងនេសាទ។
ទោះបីជាមានការព្រួយបារម្ភពីប្រទេសជិតខាងដូចជាប្រទេសចិន ក៏ដោយ ក៏ប្រទេសជប៉ុន បានដើរទៅមុខនៅចុងខែសីហា ក្នុងការបង្ហូរទឹកចេញពីរោងចក្រ Fukushima Daiichi ហើយក្រោយមកចិន បានផ្អាកការនាំចូលផលិតផលគ្រឿងសមុទ្រទាំងអស់ពីជប៉ុន ជាបន្តបន្ទាប់។
មន្ត្រីក្រសួងបានឲ្យដឹងថា ការហាមឃាត់បែបនេះទំនងជានឹងឃើញការធ្លាក់ចុះបន្ថែមទៀតនៃការនាំចេញអាហារសមុទ្រ ដែលជាប់ព្រំដែនជាមួយប្រទេសចិនសម្រាប់ខែសីហា។ត្រីធូណាក៏ស្ថិតក្នុងចំណោមផលិតផល ដែលរងផលប៉ះពាល់យ៉ាងខ្លាំងដោយការធ្វើតេស្តវិទ្យុសកម្មរបស់ប្រទេសចិន ដែលធ្វើឱ្យនីតិវិធីគយអូសបន្លាយពេល។
ទិន្នន័យបានបង្ហាញថា តម្លៃ នៃការនាំចេញសរុប នៃផលិតផលកសិកម្ម រុក្ខាប្រមាញ់ និងនេសាទរបស់ជប៉ុន ទៅកាន់ប្រទេសចិន សម្រាប់ខែកក្កដាក៏បានធ្លាក់ចុះ ២០,៨ភាគរយមកនៅត្រឹម ២២,៥ ពាន់លានយ៉េន។ការនាំចេញសរុបនៃផលិតផលបែបនេះទៅកាន់ទីក្រុងហុងកុង បានធ្លាក់ចុះ ២,៩ភាគរយ ខណៈដែលផលិតផលអាហារសមុទ្រតែម្នាក់ឯងបានធ្លាក់ចុះ ១១ ភាគរយ៕ ប្រែសម្រួល ឈូក បូរ៉ា
