ប៉េកាំង ៖ ប្រទេសចិន បានច្រានចោលសំណើ របស់ប្រទេសជប៉ុន ដែលថាខ្លួនចូលរួមក្នុងក្រប ខ័ណ្ឌផ្ទៀងផ្ទាត់អន្តរជាតិ សម្រាប់ការវាយតម្លៃលទ្ធផល នៃការត្រួតពិនិត្យកម្រិតវិទ្យុសកម្មនៅក្នុងទឹក ដែលត្រូវបានព្យាបាល ដែលត្រូវបានបញ្ចេញទៅក្នុងសមុទ្រ ពីរោងចក្រថាមពល នុយក្លេអ៊ែរហ្វូគូស៊ីម៉ា។
ប្រទេសចិន បានប្រឆាំងដាច់ខាត ចំពោះការហូរចេញពីមហាសមុទ្រ ហើយបានហាមឃាត់ការនាំចូល អាហារសមុទ្រទាំងអស់ពីប្រទេសជប៉ុន ចាប់តាំងពីវាបានចាប់ផ្តើម នៅចុងខែសីហា ដោយហៅទឹកថា “កខ្វក់ដោយនុយក្លេអ៊ែរ” ។ មន្ត្រីជប៉ុនបានឲ្យដឹងថា រដ្ឋាភិបាលក្រុងប៉េកាំង ក៏បានព្រងើយកន្តើយ ចំពោះសំណើម្តងហើយម្តងទៀត របស់ទីក្រុងតូក្យូ សម្រាប់កិច្ចសន្ទនាផ្អែកលើវិទ្យាសាស្ត្រ ដែលពាក់ព័ន្ធនឹងអ្នកជំនាញ លើបញ្ហានេះ ។
ក្រោមក្របខណ្ឌនេះ ប្រទេសដែលចូលរួម នឹងធ្វើការប្រៀបធៀប វិភាគ និងវាយតម្លៃលទ្ធផល នៃការត្រួតពិនិត្យ ដែលធ្វើឡើងរៀងៗ ខ្លួនដោយរដ្ឋាភិបាលជប៉ុន និងទីភ្នាក់ងារ ថាមពលបរមាណូអន្តរជាតិ ស្តីពីទឹកសមុទ្រនៅខេត្តហ្វូគូស៊ីម៉ា ភាគឦសានប្រទេសជប៉ុន។
ស្ថាប័នស្រាវជ្រាវដែលចូលរួម ក្នុងក្របខ័ណ្ឌនេះត្រូវបានជ្រើសរើសដោយអង្គភាពដែលទាក់ទងនឹង IAEA ។ បច្ចុប្បន្នវាពាក់ព័ន្ធនឹងស្ថាប័ន មកពីសហរដ្ឋអាមេរិក បារាំង ស្វីស និងកូរ៉េខាងត្បូង។
ប្រភពបានឲ្យដឹងថា ចាប់តាំងពីដើមឆ្នាំនេះមក ទីក្រុងតូក្យូ បានស្នើសុំម្តងហើយម្តងទៀតពីទីក្រុងប៉េកាំង តាមរយៈបណ្តាញការទូត ដើម្បីចូលរួមក្នុងកិច្ចខិតខំប្រឹងប្រែងត្រួតពិនិត្យ ប៉ុន្តែមានសំណើរបស់ខ្លួនត្រូវបានបដិសេធ ដោយប្រទេសចិន ក្រោមហេតុផលថាក្របខ័ណ្ឌ “មិនធានា” ការវិភាគឯករាជ្យនៃទឹក ដែលបានចេញផ្សាយ ៕
ប្រែសម្រួល ឈូក បូរ៉ា
