បរទេស៖ ទីភ្នាក់ងារចិនស៊ិនហួចេញផ្សាយនៅថ្ងៃនេះបានឲ្យដឹងថា រដ្ឋាភិបាលហ្វាំងឡង់បានប្រកាសអំពីបំណង ក្នុងការបង្កើនការផលិតអគ្គិសនីក្នុងស្រុករបស់ខ្លួនឲ្យបានទ្វេដងនាពេលខាងមុខ ដើម្បីជំរុញកំណើនថាមពលស្អាតឡើងវិញនៅទូទាំងប្រទេស។
សេចក្តីថ្លែងការណ៍ដែលត្រូវបានធ្វើឡើងដោយមន្ត្រីជាន់ខ្ពស់របស់រដ្ឋាភិបាល កាលពីថ្ងៃព្រហស្បតិ៍ម្សិលមិញដោយក្នុងនោះលោកបាននិយាយថា ៖វាមានសារៈសំខាន់បំផុតក្នុងការធានាការផ្គត់ផ្គង់ ដែលអាចទុកចិត្តបាននៅក្នុងទីផ្សារថាមពល ដោយសារចំណែក នៃថាមពលកកើតឡើងវិញដែលប្រែប្រួលកំពុងកើនឡើងហើយ ក្នុងនោះយើងនឹងជំរុញការវិនិយោគលើថាមពលពន្លឺព្រះអាទិត្យ និងថាមពលខ្យល់។
វិស័យថាមពលខ្យល់នៅប្រទេសហ្វាំងឡង់កំពុងមានការរីកចម្រើនយ៉ាងឆាប់រហ័ស ដោយកសិដ្ឋានខ្យល់នៅតាមច្រាំងទន្លេងជាច្រើនកំពុងដំណើរការ។
គួរឲ្យដឹងដែរថាគិតត្រឹមចុងខែមិថុនាឆ្នាំ២០២៣ហ្វាំងឡង់ មានតួប៊ីនខ្យល់ចំនួន១៤៦៨ នៅក្នុងប្រទេសហ្វាំងឡង់ ដែលមានថាមពលសរុបជាង៦០០០មេហ្គាវ៉ាត់។ នៅដំណាច់ឆ្នាំនេះ សមត្ថភាពនេះត្រូវបានគេរំពឹងថានឹងកើនឡើងដល់ប្រហែល ៧២០០ មេហ្គាវ៉ាត់៕ ប្រែសម្រួល៖ស៊ុនលី
