ម៉ូស្គូ៖ យោងតាមទិន្នន័យពីសេវាកម្ម ស្ថិតិអាមេរិកបានឱ្យដឹងថា សហរដ្ឋអាមេរិក សម្រេចបានកំណត់ត្រាថ្មីមួយ ដោយការទិញជីរុស្ស៊ីចំនួន ៩៤៤លានដុល្លារនៅចន្លោះខែមករា ដល់ខែកក្កដា ឆ្នាំ២០២៣។
ការទិញក្នុងខែកក្កដាបានធ្លាក់ចុះ បីដងធៀបនឹងខែមិថុនា ហើយជិត ៤០ភាគរយ ពីមួយឆ្នាំទៅមួយឆ្នាំមកត្រឹម ៥៤,៤លានដុល្លារ ដែលជាកម្រិតទាបបំផុតចាប់តាំងពីខែសីហា ឆ្នាំ២០២១ នេះបើយោងតាមការចុះផ្សាយរបស់ ទីភ្នាក់ងារសារព័ត៌មាន Sputnik។
ប្រទេសរុស្ស៊ី គឺជាអ្នកផ្គត់ផ្គង់ជីធំជាងគេទីពីរ របស់សហរដ្ឋអាមេរិកនៅឆ្នាំនេះ ដែលជាអ្នកផ្គត់ផ្គង់ធំបំផុតគឺប្រទេសកាណាដា ដែលបាននាំចេញជីចំនួន ២,៨ពាន់លានដុល្លារក្នុងរយៈពេល ៧ខែ ខណៈអារ៉ាប៊ីសាអូឌីត អ៊ីស្រាអែល និងកាតា គឺជាប្រទេសកំពូលទាំង ៥ផ្សេងទៀត ដែលសហរដ្ឋអាមេរិក នាំចូលជី។
ចាប់ពីខែមករាដល់ខែកក្កដា សហរដ្ឋអាមេរិក បានកាត់បន្ថយការនាំចូលជីរបស់ខ្លួនចំនួន ២២ភាគរយ សរុបចំនួន ៦ពាន់លានដុល្លារ។ ការនាំចេញ ទៅកាន់ប្រភេទដូចគ្នានេះក៏បានធ្លាក់ចុះ ៣៦ ដែលឈានដល់ទំហំ ៣,៤ពាន់លានដុល្លារក្នុងអំឡុងពេលដូចគ្នានេះ ៕
ប្រែសម្រួល ឈូក បូរ៉ា
