បរទេស៖ គ្រួសារ ស៊ីណាវ៉ាត្រា បានវិលមកកាន់អំណាចវិញ បន្ទាប់ពីបានបាត់មុខរយៈពេល ៩ ឆ្នាំ បន្ទាប់ពីរដ្ឋប្រហារយោធាខែឧសភា ឆ្នាំ ២០១៤ ដែលបានទម្លាក់រដ្ឋាភិបាលលោកស្រី យីងឡាក់ ស៊ីណាវ៉ាត្រា។
យោងតាមសារព័ត៌មាន Bangkok Post របស់ថៃ ចេញផ្សាយកាលពីថ្ងៃទី២១ ខែកញ្ញា ឆ្នាំ២០២៣ បានឱ្យដឹងថា នាយករដ្ឋមន្ត្រីថៃ លោកស្រែថា ថាវីស៊ីន ជាមហាសេដ្ឋីអចលនទ្រព្យដែលប្រែក្លាយជាអ្នកនយោបាយ គឺជាសមាជិកនៃគណបក្សភឿថៃ ដែលដីការបស់គ្រួសារស៊ីណាវ៉ាត្រាដំណើរការ។ ចាប់តាំងពីការរឹបអូសអំណាចឆ្នាំ ២០១៤ ដែលត្រូវបានបន្តដោយរបបយោធាក្រោយរដ្ឋប្រហាររយៈពេល ៥ ឆ្នាំ និងរយៈពេល ៤ ឆ្នាំនៃរដ្ឋាភិបាលជាប់ឆ្នោត ដែលដឹកនាំដោយអតីតមេដឹកនាំរដ្ឋប្រហារលោក ប្រាយុទ្ធ ចាន់ អូចា នេះគឺជាឱកាសដំបូងដែល ស៊ីណាវ៉ាត្រា ស្ថិតនៅក្នុងច្រករបៀងនៃអំណាច។
អ្នកស្មោះត្រង់មកលើត្រកូលស៊ីណាវ៉ាត្រាជាច្រើននាក់បានក្លាយជាអ្នកនយោបាយដែលត្រូវបានតែងតាំងឱ្យបម្រើនៅក្រោមនាយករដ្ឋមន្ត្រី និងសមាជិកគណៈរដ្ឋមន្ត្រីមកពីគណបក្សភឿថៃ។ មានមិត្តភ័ក្តិផ្សេងទៀតនៃគ្រួសារដែលមិនមានតំណែងជាផ្លូវការ ប៉ុន្តែពួកគេបានអមដំណើររដ្ឋមន្ត្រីរដ្ឋាភិបាលភឿថៃក្នុងដំណើររបស់ពួកគេនិងនៅក្រសួងរបស់ពួកគេ។
អ្នកទាំងនេះរួមមានសមាជិកគ្រួសារវ័យក្មេងរបស់គ្រួសារស៊ីណាវ៉ាត្រា សាច់ថ្លៃ និងមិត្តភក្តិ ក៏ដូចជាអ្នកនយោបាយដែលស្មោះត្រង់នឹងគ្រួសារត្រកូលថាក់ស៊ីន ដែលភាគច្រើនមិនបានជាប់ឆ្នោតនៅក្នុងការបោះឆ្នោតសកលថ្ងៃទី ១៤ ខែឧសភា។
ក្នុងចំណោមអ្នកតែងតាំងខាងនយោបាយ មានមិត្តជិតស្និទ្ធរបស់លោកស្រី ផែតងតាន ស៊ីណាវ៉ាត្រា ដែលជាបេក្ខជននាយករដ្ឋមន្ត្រីម្នាក់ក្នុងចំណោមបេក្ខជននាយករដ្ឋមន្ត្រីទាំងបីរបស់គណបក្សភឿថៃ និងជាកូនស្រីពៅរបស់បុព្វបុរសបក្ស និងដែលជាអតីតនាយករដ្ឋមន្ត្រី គឺ លោក ថាក់ស៊ីន ស៊ីណាវ៉ាត្រា។
លោក ថាក់ស៊ីន កំពុងជាប់ទោសជាប់ពន្ធនាគារ ក្រោយការកាត់ទោសក្នុងករណីពុករលួយ បន្ទាប់ពីលោកវិលត្រឡប់ទៅប្រទេសថៃវិញ បន្ទាប់ពីការនិរទេសខ្លួនឯងនៅក្រៅប្រទេសអស់ ១៥ឆ្នាំ។ ការជាប់ពន្ធនាគាររយៈពេលប្រាំបីឆ្នាំរបស់អតីតនាយករដ្ឋមន្ត្រី គឺត្រូវបានកាត់បន្ថយមកត្រឹមមួយឆ្នាំបន្ទាប់ពីមានការបន្ធូរបន្ថយទោសពីព្រះមហាក្សត្រ។ លោក ថាក់ស៊ីន ត្រូវបានបញ្ជូនទៅកាន់មន្ទីរពេទ្យ Police General ដើម្បីព្យាបាលប៉ុន្មានម៉ោងបន្ទាប់ពីលោកបានវិលត្រឡប់ចូកមកប្រទេសថៃវិញតាមយន្តហោះឯកជននៅថ្ងៃទី ២២ ខែសីហា។
អ្នកសង្កេតការណ៍នយោបាយចាត់ទុកការតែងតាំងនយោបាយថាជាមធ្យោបាយមួយដើម្បីត្រលប់មកវិញនូវការពេញចិត្ត និងការរៀបចំដោយ “ឈាមវ័យក្មេង” របស់គណបក្សភឿថៃក្រោមការដឹកនាំរបស់លោកស្រី ផែតងតាន ស៊ីណាវ៉ាត្រា ដើម្បីពង្រឹងជំហររបស់ពួកគេដើម្បីទទួលបានអំណាចពីមនុស្សចាស់នៅក្នុងបក្ស។
លោកស្រី ផែតងតាន ដែលកំពុងកាន់តំណែងជាមេដឹកនាំនៃគ្រួសារភឿថៃ ត្រូវបានគេរាយការណ៍ថា នឹងឡើងកាន់តំណែងជាមេដឹកនាំបន្ទាប់របស់គណបក្សកាន់អំណាច បន្តពីលោក ចូលណាន ស្រីកែវ ដែលបានលាលែងពីតំណែងកាលពីពេលថ្មីៗនេះដើម្បីកាន់តំណែងជារដ្ឋមន្ត្រីសុខាភិបាលសាធារណៈ៕
ប្រែសម្រួលៈ ណៃ តុលា
