អូតាវ៉ា៖ នាយករដ្ឋមន្ត្រីកាណាដា លោក Justin Trudeau បានប្រកាសកាលពីថ្ងៃសុក្រថា យោធាថ្មី សេដ្ឋកិច្ច សន្តិភាព និងសន្តិសុខ និងជំនួយអភិវឌ្ឍន៍ និងការវិនិយោគ សម្រាប់អ៊ុយក្រែន បន្ទាប់ពីបានជួបពិភាក្សាជាមួយប្រធានាធិបតីអ៊ុយក្រែន លោក វូឡូឌីមៀ ហ្សេឡិនស្គី។
នៅក្នុងសេចក្តីប្រកាសព័ត៌មានដែលបានបង្ហោះនៅលើគេហទំព័រការិយាល័យរបស់លោក លោក Trudeau បានឲ្យដឹងថា ប្រទេសកាណាដា កំពុងផ្លាស់ប្តូរវិធីសាស្រ្តក្នុងការផ្តល់ជំនួយជាច្រើនឆ្នាំ។
លោកបានប្រកាសពីការវិនិយោគថ្មីចំនួន ៦៥០ លានដុល្លារកាណាដា ( ៤៨៧,៥លានដុល្លារអាមេរិក) ក្នុងរយៈពេល ៣ឆ្នាំដើម្បីផ្គត់ផ្គង់ដល់ប្រទេសអ៊ុយក្រែន ជាមួយនឹងរថពាសដែកចំនួន ៥០គ្រឿង រួមទាំងរថយន្តជម្លៀសពេទ្យពាសដែកផងដែរ។
យោងតាមការចេញផ្សាយនោះលោក Trudeau និង លោក ហ្សេឡិនស្គី បានចុះហត្ថលេខាលើកិច្ចព្រមព្រៀងពាណិជ្ជកម្មសេរីកាណាដា-អ៊ុយក្រែនទំនើប ដែលធានាលក្ខខណ្ឌនៃការចូលប្រើប្រាស់ទីផ្សារដែលមានគុណភាពខ្ពស់ សម្រាប់អាជីវកម្មកាណាដា ដែលចូលរួមក្នុងការស្ទុះងើបសេដ្ឋកិច្ចរបស់អ៊ុយក្រែន។
ការចេញផ្សាយបានឲ្យដឹងថា ប្រទេសទាំងពីរបានយល់ព្រមធ្វើការជាមួយដៃគូអន្តរជាតិ ដើម្បីបង្កើតក្រុមការងារនៃបុគ្គលល្បីៗ ដើម្បីផ្តល់ដំបូន្មានដល់អ្នកធ្វើសេចក្តីសម្រេចស្តីពីការរឹបអូស និងការរឹបអូសទ្រព្យសម្បត្តិរុស្ស៊ី រួមទាំងទ្រព្យសម្បត្តិរបស់ធនាគារកណ្តាលរុស្ស៊ីផងដែរ៕ ប្រែសម្រួល ឈូក បូរ៉ា
